ଖୋର୍ଦ୍ଧା: ଖୋର୍ଦ୍ଧା ବାର୍ ଆସୋସିଏସନ୍ର ୨୦୨୩-୨୪ ପାଇଁ ନୂତନ କର୍ମକର୍ତା ନିର୍ବାଚନ ଅନୁଷ୍ଠିତ ହୋଇଯାଇଛି । ନିର୍ବାଚନରେ ଦୁଇଜଣ ପ୍ରତିଦ୍ୱନ୍ଦ୍ୱୀଙ୍କୁ ହରାଇ ବରିଷ୍ଠ ଆଇନଜୀବୀ ସର୍ବେଶ୍ୱର ସାହୁ ସଭାପତି ଭାବେ ନିର୍ବାଚିତ ହୋଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ସେହିଭଳି ଉପସଭାପତି ଭାବେ ଲିଙ୍ଗରାଜ ସାହୁ, ସମ୍ପାଦକ ଭାବେ ମନ୍ମଥ କୁମାର ମିଶ୍ର, ଯୁଗ୍ମ ସଂପାଦକ ଭାବେ ନିଦ୍ୱନ୍ଦ୍ୱରେ ବିଶ୍ୱକେଶ ମହାପାତ୍ର ଓ କୋଷାଧ୍ୟକ୍ଷ ଭାବେ ନିରଂଜନ ବେହେରା ନିର୍ବାଚିତ ହୋଇଛନ୍ତି । କାର୍ଯ୍ୟକାରିଣୀ ସଦସ୍ୟ (ବରିଷ୍ଠ) ଭାବେ ଅଜିତ କୁମାର ମିଶ୍ର, ମନୋରଂଜନ ପଣ୍ଡା, କ୍ଷୀରୋଦ ମୋହନ ସ୍ୱାଇଁ, ସୋମନାଥ ବାରିକ, ପ୍ରଦୀପ କୁମାର ଦଳେଇ ନିର୍ବାଚିତ ହୋଇଥିବା ବେଳେ କାର୍ଯ୍ୟକାରିଣୀ ସଦସ୍ୟ (କନିଷ୍ଠ) ଭାବେ ରାକେଶ ମହାପାତ୍ର ଓ ତାପସ କୁମାର ଦଳବେହେରା ନିଦ୍ୱର୍ନ୍ଦ୍ୱରେ ନିର୍ବାଚିତ ହୋଇଛନ୍ତି । ତେବେ ୫ଜଣିଆ କାର୍ଯ୍ୟକାରିଣୀ ସଦସ୍ୟ (କନିଷ୍ଠ)ରେ ୩ଟି ସଦସ୍ୟ ପଦ ପାଇଁ କେହି ନିର୍ବାଚନ ଲଢ଼ିନଥିବା ବେଳେ ଏହା ଖାଲି ରହିଛି । ବର୍ତମାନ ସଂଘର କାର୍ଯ୍ୟକାଳ ଚଳିତ ମାସ ମାର୍ଚ୍ଚ ୩୧ ତାରିଖ ଯାଏଁ ରହିଥିବା ବେଳେ ଏହାପରେ ସଂଘର ନିଷ୍ପତ୍ତି ଅନୁସାରେ କୌଣସି ଦିନ ନୂତନ କର୍ମକର୍ତା ଦାୟିତ୍ୱ ନେବେ ବୋଲି ବର୍ତମାନର ସମ୍ପାଦକ ପ୍ରଦୀପ କୁମାର ମିଶ୍ର ସୂଚନା ଦେଇଛନ୍ତି ।