ଫନି ପ୍ରଭାବିତ ଜିଲ୍ଲାମାନଙ୍କରେ ୧୧୦୦୦ରୁ ଅଧିକ ଋଣ ଦେଲା ଏସବିଆଇ
ଭୁବନେଶ୍ବର : ଓଡ଼ିଶାର ଫନି ପ୍ରଭାବିତ ଅଂଚଳରେ ଲୋକମାନଙ୍କ ସହାୟତା ପାଇଁ ଷ୍ଟେଟ ବ୍ୟାଙ୍କ ପକ୍ଷରୁ ବିଭିନ୍ନ ପଦକ୍ଷେପ ଗ୍ରହଣ କରାଯାଇଛି । ବ୍ୟାଙ୍କ ପକ୍ଷରୁ ୧୧୦୦୦ରୁ ଅଧିକ ଋଣ ଏହାର ଫଣି ପ୍ରଭାବିତ ଜିଲ୍ଲା ଗୁଡ଼ିକରେ ଗ୍ରାହକମାନଙ୍କୁ ଯୋଗାଇ ଦିଆଯାଇଛି, ଯାହା ସେମାନଙ୍କ ଥଇଥାନ ଏବଂ ଜୀବିକାରମ୍ଭ ପାଇଁ ସାହାଯ୍ୟ ହୋଇପାରିବ ବୋଲି ଏସବିଆଇର ଏମଡି ପି.କେ.ଗୁପ୍ତା କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଏସବିଆଇ ମଧ୍ୟ ୧୩୦୦ରୁ ଅଧିକ ସ୍ୱୟଂ ସହାୟକ ଗୋଷ୍ଠୀ ପାଇଁ ଋଣ, ୮୦୦୦ରୁ ଅଧିକ କୃଷି ଋଣ ସହ ପି.ଏମ୍.ଇ.ଜି.ପି ଏବଂ ମୁଦ୍ରା ଋଣ ଯୋଗାଇ ସାରିଛି । ଏସବିଆଇ ମଧ୍ୟ ୨୦୦ରୁ ଅଧିକ ବାଣିଜ୍ୟ ଋଣ ଏବଂ ଘର ତିଆରି ଋଣକୁ ଏହା ମଧ୍ୟରେ ନୂତନ ଢ଼ାଂଚାରେ ପରିବର୍ତ୍ତନ କରିପାରିଛି । ଆହୁରି ମଧ୍ୟ ୫୦୦ ଧୀବରମାନଙ୍କ ପାଇଁ ବୋଟ, ଜାଲ୍ ପାଇଁ ଋଣ ଯୋଗାଇବା ପ୍ରସ୍ତାବ ରହିଛି । ଶ୍ରୀ ଗୁପ୍ତା ଆହୁରି ମଧ୍ୟ କହିଛନ୍ତି ଯେ ଏସବିଆଇ ଓଡ଼ିଶାର ଲୋକଙ୍କ ସେବା ପାଇଁ ବଦ୍ଧ ପରିକର । ସେ ମଧ୍ୟ ପ୍ରତିଶ୍ରୁତି ଦେଇଥିଲେ ଯେ, ପୁରୀ ଜିଲ୍ଲାର ବାତ୍ୟା ଦ୍ୱାରା ଶିକାର ହୋଇଥିବା ଲୋକମାନଙ୍କ ପାଇଁ ୧୯୦୦୦ ମଶାରି ଜିଲ୍ଲା ପ୍ରାଧିକାରୀଙ୍କୁ ବ୍ୟାଙ୍କ ତରଫରୁ ଯୋଗାଇଦେବେ ।