ବଧୂହତ୍ୟା ମାମଲା: ୨୨ ବର୍ଷ ପରେ ଫେରାର ଶାଶୂ, ଶଶୁର ଓ ସ୍ୱାମୀ ଗିରଫ
ବୁଗୁଡ଼ା : ୨୨ ବର୍ଷ ତଳେ ଏକ ବଧୂହତ୍ୟା ମାମଲାରେ ଦଣ୍ଡାଦେଶ ଶୁଣି ଫେରାର ହୋଇଯାଇଥିବା ଶାଶୂ, ଶଶୁର ଓ ସ୍ୱାମୀଙ୍କୁ ଓ୍ବାରେଣ୍ଟି ବଳରେ ପୁଲିସ ଗିରଫ କରି କୋର୍ଟ ଚାଲାଣ କରିଥିବା ଜଣାଯାଇଛି। ଗିରଫ ଅଭିଯୁକ୍ତ ହେଲେ ବୁଗୁଡା ଥାନା ଅନ୍ତର୍ଗତ ଡେଙ୍ଗାପଦର ଗ୍ରାମର ସୁବାସ ଭୂୟାଁ , କନକ ଭୂୟାଁ ଓ ପ୍ରଦୀପ କୁମାର ଭୂୟାଁ । ଏମାନଙ୍କ ନାମରେ ଏସ୍ ସି ନଂ ୨୦/୧୯୯୯ରେ ଏକ ମାମଲା ଥିଲା।
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଗତ ୧୯୯୯ ମସିହାରେ ଅଭିଯୁକ୍ତମାନେ ବଧୂହତ୍ୟା ମାମଲାରେ ଜଡିତ ଥିବାବେଳେ ଅଦାଲତ ପକ୍ଷରୁ ସେମାନଙ୍କୁ ଦଣ୍ଡିତ କରାଯାଇଥିଲା। ଅକ୍ଟୋବର ମାସରେ ଦଣ୍ଡାଦେଶ ଶୁଣି ଦଣ୍ଡିତ ଶଶୁର ସୁବାସ, ଶାଶୂ କନକ ଓ ସ୍ୱାମୀ ପ୍ରଦୀପ ଫେରାର ହୋଇଯାଇଥିଲେ l ଅଦାଲତ ୱାରେଣ୍ଟ ଜାରି କଲା ପରେ ପୁଲିସ ଆଜି ଘଟଣାର ୨୨ ବର୍ଷ ପରେ ୩ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଥିବା ଥାନାଧିକାରୀ ଚିତ୍ତରଞ୍ଜନ ବେହେରା ସୂଚନା ଦେଇଛନ୍ତି।