ଭୁବନେଶ୍ୱର: ରାଜ୍ୟସାରା ପ୍ରବଳ ଖରା ହେଉଛି। ସକାଳ ୯ଟାରୁ ଦିନ ୪ଟା ଯାଏଁ ଘରୁ ବାହାରକୁ ଯିବା ପୂର୍ବରୁ ଚିନ୍ତା ପଶୁଛି। ସୋନପୁରରେ ଆଜି ରାଜ୍ୟର ସର୍ବାଧିକ ତାପମାତ୍ରା ରେକର୍ଡ କରାଯାଇଛି। ଏଠାରେ ୪୩.୫ ଡିଗ୍ରି ତାପମାତ୍ରା ରେକର୍ଡ ହୋଇଛି। ଆଞ୍ଚଳିକ ପାଣିପାଗ ବିଜ୍ଞାନ କେନ୍ଦ୍ର ପକ୍ଷରୁ ଏହି ସୂଚନା ଦିଆଯାଇଛି।
Sambad is now on WhatsApp
Join and get latest news updates delivered to you via WhatsApp
ଆଜି ରାଜ୍ୟର ୧୫ଟି ସହରର ତାପମାତ୍ର ୪୦ ଡିଗ୍ରି ଉପରେ ଥିବା ପାଣିପାଗ ବିଭାଗ ପକ୍ଷରୁ କୁହାଯାଇଛି। ସୂଚନା ଅନୁସାରେ ଆଜି ଅନୁଗୁଳରେ ୪୨.୭, ବାରିପଦାରେ ୪୧.୮, ଝାରସୁଗୁଡ଼ାରେ ୪୨.୬, କେନ୍ଦୁଝରରେ ୪୦.୧, ସମ୍ବଲପୁରରେ ୪୨.୨, ସୁନ୍ଦରଗଡ଼ରେ ୪୨.୫, ହୀରାକୁଦରେ ୪୦.୩, ତାଳଚେରରେ ୪୦.୪, ଭବାନୀପାଟଣାରେ ୪୧.୨, ବଲାଙ୍ଗୀରରେ ୪୩.୦, ଟିଟିଲାଗଡ଼ରେ ୪୧.୫, , ନୟାଗଡ଼ରେ ୪୦.୦, ବୌଦ୍ଧରେ ୪୨.୫ ଓ ପାରଳାଖେମୁଣ୍ଡିରେ ୪୧.୫ ଡିଗ୍ରି ତାପମାତ୍ରା ରେକର୍ଡ ହୋଇଛି। ସେହିପରି ଆଜି ଭୁବନେଶ୍ୱରରେ ୩୮.୧ ଓ କଟକରେ ୩୮.୦ ଡିଗ୍ରି ତାପମାତ୍ରା ରେକର୍ଡ କରାଯାଇଛି।