୧ କୁଇଣ୍ଟାଲ ଗଞ୍ଜେଇ ଜବତ, ୨ ଗିରଫ

ଭଦ୍ରକ/ବାସୁଦେବପୁର: ନିଶା କାରବାର ପେଣ୍ଠସ୍ଥଳୀ ପାଲଟିଛି ଭଦ୍ରକ ଜିଲ୍ଲା। ପୁଲିସ ଓ ଅବକାରୀ ବିଭାଗର ଚଢ଼ଉ ପରେ ବି ନିଶା କାରବାର ଥମୁନି। ଆଜି ବାସୁଦେବପୁର ଥାନା ଅଞ୍ଚଳରୁ ପୁଲିସ ୧ କୁଇଣ୍ଟାଲ ଗଞ୍ଜେଇ ଜବତ କରିଥିବାବେଳେ ଦୁଇଜଣ ଅଭିଯୁକ୍ତଙ୍କୁ ଗିରଫ କରି କୋର୍ଟଚାଲଣ କରିଛି। ଗିରଫ ଅଭିଯୁକ୍ତଦ୍ବୟ ହେଲେ ଖୋର୍ଦ୍ଧା ଜିଲ୍ଲା ନଖରା ଗ୍ରାମର ମୋହନ ପାତ୍ର (୨୩) ଓ ଅନୁଗୁଳ ଜିଲ୍ଲା ରେଙ୍ଗାଳି ଡ୍ୟାମସାହିର ପ୍ରତାପ କୁମାର ବିଶ୍ବାଳ (୨୫)। ଏ ନେଇ ବାସୁଦେବପୁର ଥାନା କେସ୍ ନଂ ୨୬୭/୨୦ରେ ଏକ ମାମଲା ରୁଜୁ ହୋଇ ଉଭୟଙ୍କୁ କୋର୍ଟଚାଲାଣ କରାଯାଇଛି। ଅଭିଯୁକ୍ତଙ୍କଠାରୁ ଏକ ହ୍ୟୁଣ୍ଡାଇ କାର (ଓଡି୦୨ବିଏ-୫୮୩୧) ଜବତ କରାଯାଇଥିବା ବେଳେ ଏହାର ମାଲିକ ପ୍ରତାପ ବିଶ୍ବାଳ ବୋଲି ଜଣାପଡିଛି। ଅନୁଗୁଳ ଜିଲ୍ଲାର ଗଞ୍ଜେଇ ମାଫିଆ ଭଦ୍ରକରେ ନିଜର କଳା ସାମ୍ରାଜ୍ୟ ବିସ୍ତାର କରିଥିବା ବେଳେ ଗତକାଲି ବିଳମ୍ବିତ ରାତିରେ ପୁଲିସ ହାତରେ ଧରାପଡ଼ିଥିଲେ।

ସମ୍ବନ୍ଧିତ ଖବର

Comments are closed.