ବୁର୍ଲା : ଭିମ୍ସାର୍ କୋଭିଡ୍ ହସ୍ପିଟାଲ୍ରେ ମୃତ୍ୟୁ ସଂଖ୍ୟା ଥମିବାର ନାଁ ଧରୁନି। ଗୁରୁବାର କୋଭିଡ୍ ହସ୍ପିଟାଲରେ ଆଉ ୧୦ ଜଣ କରୋନା ସଂକ୍ରମିତଙ୍କର ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଛି। ଗୁରୁବାର ବରଗଡ଼ ଜିଲ୍ଲାରୁ ସର୍ବାଧିକ ୪ ଜଣ ସଂକ୍ରମିତଙ୍କର ମୃତ୍ୟୁ ଘଟିଥିବା ବେଳେ ସମ୍ବଲପୁରର ୩ ଜଣ ଏବଂ ଝାରସୁଗୁଡ଼ା, ଦେବଗଡ଼ ଓ ବୌଦ୍ଧରୁ ଜଣେ ଲେଖାଏଁ ମୃତ୍ୟୁବରଣ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ମୃତକଙ୍କ ମଧ୍ୟରେ ବରଗଡ଼ର ଜଣେ ୬୦ ବର୍ଷୀୟ, ଜଣେ ୫୫ ବର୍ଷୀୟ, ଜଣେ ୭୫ ବର୍ଷୀୟା ଓ ଜଣେ ୬୦ ବର୍ଷୀୟା ରହିଥିବା ବେଳେ ସମ୍ବଲପୁରର ଜଣେ ୬୫ ବର୍ଷୀୟା, ଜଣେ ୭୨ ବର୍ଷୀୟ ଓ ଜଣେ ୫୦ ବର୍ଷୀୟ, ଝାରସୁଗୁଡ଼ାର ଜଣେ ୭୦ ବର୍ଷୀୟ, ଦେବଗଡ଼ର ଜଣେ ୭୦ ବର୍ଷୀୟ ଏବଂ ବୌଦ୍ଧର ଜଣେ ୫୫ ବର୍ଷୀୟ ରହିଛନ୍ତି। ଏହି ୧୦ ଜଣ ମୃତକଙ୍କୁ ମିଶାଇ ବୁର୍ଲା କୋଭିଡ୍ ହସ୍ପିଟାଲ୍ରେ ମୋଟ ମୃତ୍ୟୁ ସଂଖ୍ୟା ୪୮୯କୁ ବୃଦ୍ଧି ପାଇଛି। ବର୍ତ୍ତମାନ ଭିମ୍ସାର୍ କୋଭିଡ୍ ହସ୍ପିଟାଲ୍ରେ ୨୩୫ରୁ ଅଧିକ କରୋନା ସଂକ୍ରମିତ ଚିକିତ୍ସାଧୀନ ଅଛନ୍ତି।