ଭୁବନେଶ୍ୱର : ଗତ ୨୪ ଘଣ୍ଟାରେ ରାଜ୍ୟରେ ୧୧ ଜଣ କରୋନା ଆକ୍ରାନ୍ତ ମୃତ୍ୟୁବରଣ କରିଛନ୍ତି । ରାଜ୍ୟ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ଟୁଇଟ୍ କରି ଏହି ସୂଚନା ଦିଆଯାଇଛି। ଏହା ଫଳରେ ରାଜ୍ୟରେ .କୋଭିଡ୍ ଜନିତ ମୃତ୍ୟୁସଂଖ୍ୟା ୫୧୪ରେ ପହଞ୍ଚିଛି।
Sambad is now on WhatsApp
Join and get latest news updates delivered to you via WhatsApp
ଘୋଷିତ ମୃତକଙ୍କ ମଧ୍ୟରେ ୩ ଜଣ ମହିଳା ଥିବାବେଳେ ୮ ଜଣ ପୁରୁଷ ଅଛନ୍ତି । ମୃତ ୩ ମହିଳାଙ୍କ ମଧ୍ୟରୁ ଭୁବନେଶ୍ୱରର ଜଣେ ୫୭ ବର୍ଷିୟା ମହିଳା, ଗଞ୍ଜାମର ଜଣେ ୬୩ ବର୍ଷିୟା ବୃଦ୍ଧା ଓ ସମ୍ବଲପୁରର ୫୮ ବର୍ଷିୟା ମହିଳା ରହିଛନ୍ତି ।
Regret to inform of the demise of eleven Covid positive patients while under treatment in hospitals.
1.A 57 year old male of Balasore district who was also suffering from Diabetes & Hypertension.
— H & FW Dept Odisha (@HFWOdisha) September 2, 2020
ସେହିପରି ପୁରୁଷଙ୍କ ମଧ୍ୟରେ ଡାଇବେଟିସ ଓ ଉଚ୍ଚରକ୍ତଚାପରେ ପୀଡ଼ିତ ବାଲେଶ୍ୱରର ୫୭ ବର୍ଷୀୟ, ଭଦ୍ରକର ୫୭ ବର୍ଷୀୟ ଓ ଭୁବନେଶ୍ୱରର ୬୨ ବର୍ଷୀୟ ପୁରୁଷ ରହିଛନ୍ତି । ଅନ୍ୟ ପକ୍ଷରେ ପୂର୍ବରୁ କେବଳ ଉଚ୍ଚ ରକ୍ତଚାପରେ ପୀଡ଼ିତ ଥିବା ଗଞ୍ଜାମର ୫୬ ବର୍ଷୀୟ ବ୍ୟକ୍ତି, ଜଗତସିଂହପୁରର ୯୦ ବର୍ଷୀୟ ବୃଦ୍ଧ, ପୁରୀର ୫୨ ବର୍ଷୀୟ ବ୍ୟକ୍ତି ଓ ରାୟଗଡ଼ାର ୬୪ ବର୍ଷୀୟ ବ୍ୟକ୍ତି ରହିଛନ୍ତି । ସେହିପରି କରୋନା ଆକ୍ରାନ୍ତ ହୋଇ ଗଞ୍ଜାମର ଜଣେ ୩୫ ବର୍ଷୀୟ ଯୁବକ ମୃତ୍ୟୁବରଣ କରିଛନ୍ତି ।
ଗତ ୨୪ ଘଣ୍ଟାରେ ଓଡ଼ିଶାରେ ୩୨୧୯ ଟି ନୂଆ କରୋନା ସଂକ୍ରମଣ ମାମଲା ଚିହ୍ନଟ ହୋଇଛି । ଏ ମଧ୍ୟରୁ ୧୨୮୮ ଟି ସ୍ଥାନୀୟ ସଂକ୍ରମଣ ଥିବାବେଳେ ୧୯୩୧ଟି ମାମଲା କ୍ୱାରାଣ୍ଟାଇନ କେନ୍ଦ୍ରରୁ ଚିହ୍ନଟ ହୋଇଛି ।