କଟକ: ଆଜି ପାଖାପାଖି ରାତି ୧୦ଟା ସମୟରେ ଇମାମନଗର ଗ୍ରାମ ବାରିକ ସାହିଠାରେ ବାଇଧରଙ୍କ ଦୁଇ ପୁଅ ପପୁ ଓ ପିଣ୍ଟୁର ବିଭାଘର ଚତୁର୍ଥୀ ଉତ୍ସବ ଭୋଜି ଚାଲୁଥିବା ବେଳେ ଏକ ଡ୍ରାଇଭର ନିଶାଶକ୍ତ ହୋଇ କାର ଚଳାଇ ଧକା ଦେବା ଫଳରେ ୧୧ ଜଣ ଆହତ ହୋଇଥିଲେ। ସେମାନଙ୍କ ମଧ୍ୟରୁ ୬ ଜଣଙ୍କୁ ଏସସିଵି ମେଡ଼ିକାଲରେ ଭର୍ତ୍ତି କରାଯାଇଥିବା ବେଳେ ଦୁଇ ଜଣ ଗୁରୁତର ଅଛନ୍ତି। ଆହତଙ୍କ ମଧ୍ୟରେ ଜଣେ ୯ ବର୍ଷର ବାଳକ ଓ ୬ ବର୍ଷର ବାଳିକା ଥିବା ଜଣାପଡିଛି l
Sambad is now on WhatsApp
Join and get latest news updates delivered to you via WhatsApp
ଘଟଣା ଘଟିବା ପରେ ସାଧାରଣ ଲୋକ ଆହତମାନଙ୍କୁ ଉଦ୍ଧାର କରି ସ୍ଥାନୀୟ ଘରୋଇ ଚିକିତ୍ସାଳୟରେ ଭର୍ତ୍ତି କରିଥିବା ବେଳେ ଗୁରୁତର ମାନଙ୍କୁ ଏସସିଵି ମେଡ଼ିକାଲକୁ ସ୍ଥାନନ୍ତରିତ କରାଯାଇଥିଲା l ଘଟଣାସ୍ଥଳରେ କାର୍ର ଡ୍ରାଇଭରକୁ ଉତ୍ତ୍ୟକ୍ତ ଲୋକେ ନିସ୍ତୁକ ମାଡ ମାରିଥିଲେ l ପୁଲିସ ଘଟଣା ସ୍ଥଳରେ ପହଁଚି ଡ୍ରାଇଭରକୁ ଅଟକ ରଖିଥିବା ବେଳେ ଦୁର୍ଘଟଣା ଘଟାଇଥିବା କାରକୁ କ୍ରେନ ଦ୍ୱାରା ଉଦ୍ଧାର କରି ନିଜ ହେପାଜତକୁ ନେଇଛି l ଦୁର୍ଘଟଣା ଘଟାଇଥିବା କାରଟି ବିବାହ ଭୋଜିକୁ ଆସିଥିବା ବିଭାଘର କର୍ତ୍ତାଙ୍କ ସମ୍ପର୍କୀୟ ଲୋକଙ୍କର ବୋଲି ଜଣାପଡିଛି l