୧୧ ଖଣିର ନିଲାମ ହେବ

ଭୁବନେଶ୍ବର : ରାଜ୍ୟ ସରକାର ଆଉ ୧୧ଟି ଖଣିର ନିଲାମ କରିବେ। ଏଥି ପାଇଁ ଇସ୍ପାତ ଓ ଖଣି ବିଭାଗ ଅଧୀନସ୍ଥ ଖଣି ନିର୍ଦ୍ଦେଶାଳୟ ପକ୍ଷରୁ ଟେଣ୍ଡର୍ ପ୍ରକ୍ରିୟା ଆଜି ଆରମ୍ଭ ହୋଇଛି। ଏହି ଖଣି ମଧ୍ୟରେ ଅଛି ୭ଟି ଲୁହାପଥର ଖଣି। ସେଗୁଡ଼ିକ ହେଲା ନଦୀଡିହି, ପୁରେଇବାହାଲ, ଚାନ୍ଦିପୋଷି, ଜୁମକା ପଥରିପୋଷି ପାହାଡ଼, ଢୋଲଟାପାହାଡ଼, ନେତ୍ରାବନ୍ଧ ପାହାଡ଼(ପଶ୍ଚିମ) ଓ ଗନ୍ଧଲପଡ଼ା। ସେହିପରି ୨ଟି ଲୁହାପଥର-ମାଙ୍ଗାନିଜ ଖଣି ହେଲା ନଦୀଡିହି ଓ ତେହେରାଇ। ଏହା ବାଦ୍ କାଶିଆ ଲୁହାପଥର-ଡୋଲୋମାଇଟ୍ ବ୍ଲକ୍ ଏବଂ କର୍ଲାପାଟ ବକ୍ସାଇଟ୍ ଖଣିର ମଧ୍ୟ ନିଲାମ ଡକାଯାଇଛି। ଟେଣ୍ଡର୍ ଦାଖଲ କରିବାର ଶେଷ ତାରିଖ ରହିଛି ଅଗଷ୍ଟ ୨୪। ସୂଚନାଯୋଗ୍ୟ ଯେ ପୂର୍ବରୁ ରାଜ୍ୟ ସରକାର ୨୪ଟି ଖଣି ପାଇଁ ନିଲାମ ପ୍ରକ୍ରିୟା ଶେଷ କରିଛନ୍ତି।