ଜୁଲାଇ ଦ୍ୱିତୀୟ ସପ୍ତାହ ଯାଏ ୧୧ ଯୋଡ଼ା ଟ୍ରେନ୍ ବାତିଲ୍
ଭୁବନେଶ୍ବର : କୋଭିଡ୍ ସଂକ୍ରମଣ ରୋକିବା ଲାଗି ସ୍ବତନ୍ତ୍ର ଟ୍ରେନ୍ ଚଳାଚଳ ଉପରେ କଟକଣା ଲାଗୁ କରାଯାଇଛି। କେତେକ ଟ୍ରେନ୍କୁ ଜୁଲାଇ ଦ୍ବିତୀୟ ସପ୍ତାହ ଓ କିଛି ଟ୍ରେନ୍କୁ ତୃତୀୟ ସପ୍ତାହ ପର୍ଯ୍ୟନ୍ତ ବାତିଲ, ଆଂଶିକ ବାତିଲ ଓ ନିର୍ଦ୍ଧିଷ୍ଟ ଦିନଗୁଡ଼ିକରେ ଚଳାଚଳ କରିବାକୁ ନିଷ୍ପତ୍ତି ନିଆଯାଇଛି।
Sambad is now on WhatsApp
Join and get latest news updates delivered to you via WhatsApp
ଜୁଲାଇ ପହିଲାରୁ ୧୪ପର୍ଯ୍ୟନ୍ତ ବାତିଲ ହେବାକୁ ଥିବା ଟ୍ରେନ୍ଗୁଡ଼ିକ ହେଲା ଭୁବନେଶ୍ବର-ବଲାଙ୍ଗୀର-ଭୁବନେଶ୍ବର ଟ୍ରେନ୍ (୦୮୪୯୩/୦୮୪୯୪), ଭୁବନେଶ୍ବର-କେନ୍ଦୁଝରଗଡ଼-ଭୁବନେଶ୍ବର ଟ୍ରେନ୍ (୦୮୪୫୬/୦୮୪୫୫), ଭୁବନେଶ୍ବର-ଭଦ୍ରକ-ଭୁବନେଶ୍ବର ଟ୍ରେନ୍ (୦୮୪୧୨/୦୮୪୧୧), କଟକ-ଭଦ୍ରକ-କଟକ ଟ୍ରେନ୍ (୦୮୪୩୮/୦୮୪୩୭), କଟକ-ପାରାଦୀପ-କଟକ ଟ୍ରେନ୍ (୦୮୪୬୧/୦୮୪୬୨), କଟକ-ଭଦ୍ରକ-କଟକ ଟ୍ରେନ୍ (୦୮୪୫୪/୦୮୪୫୩)।
ଜୁଲାଇ ୩ରୁ ୪ ଓ ୧୦ରୁ ୧୨ମଧ୍ୟରେ ବାତିଲ ହେବାକୁ ଥିବା ଟ୍ରେନ୍ଗୁଡ଼ିକ ହେଲା, ଭୁବନେଶ୍ବର-ପଲାସା-ଭୁବନେଶ୍ବର ସ୍ପେସାଲ୍, ଭୁବନେଶ୍ବର-ବାଙ୍ଗିରିପୋଷି-ଭୁବନେଶ୍ବର ସ୍ପେସାଲ୍। ପୁରୀ-କଟକ-ପୁରୀ ସ୍ପେସାଲ୍ (୦୮୪୩୧/୦୮୪୩୨) ଉଭୟ ଦିଗରୁ ଜୁଲାଇ ପହିଲାଠାରୁ ୨୩ ତାରିଖ ପର୍ଯ୍ୟନ୍ତ ବାତିଲ୍ ରହିବ। ପୁରୀ-ଅନୁଗୁଳ ବିଶେଷ ଟ୍ରେନ୍(୦୮୪୨୮/୦୮୪୨୭) ଜୁଲାଇ ୩, ୪, ୧୦, ୧୧, ୧୨, ୧୭, ୧୮, ୨୦ ଓ ୨୧ ତାରିଖରେ ବାତିଲ ରହିବ। ଜୁଲାଇ ପହିଲାରୁ ୨୩ ତାରିଖ ମଧ୍ୟରେ ଏହି ଟ୍ରେନ ବାତିଲ ଦିନମାନଙ୍କୁ ଛାଡ଼ି ଅନ୍ୟ ଦିନଗୁଡ଼ିକରେ ପୁରୀ ଓ ତାଳଚେର ମଧ୍ୟରେ ଚଳାଚଳ କରିବ। ଉଭୟ ପାର୍ଶ୍ବରୁ ତାଳଚେର ଓ ଅନୁଗୁଳ ମଧ୍ୟର ବାତିଲ ରହିବ।