ଆଶ୍ରମ ସ୍କୁଲରେ ୧୧ ଛାତ୍ର ଝାଡ଼ାବାନ୍ତିରେ ଆକ୍ରାନ୍ତ
ବୈପାରିଗୁଡା: କୋରାପୁଟ ଜିଲ୍ଲାର ବୈପାରିଗୁଡା ବ୍ଲକ ଅନ୍ତର୍ଗତ ଦୋରାଗୁଡାସ୍ଥିତ ଆଶ୍ରମ ସ୍କୁଲର ୧୧ ଜଣ ଛାତ୍ର ଝାଡ଼ାବାନ୍ତିରେ ଆକ୍ରାନ୍ତ ହୋଇ ସ୍ଥାନୀୟ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ରରେ ଚିକିତ୍ସିତ ହୋଇଛନ୍ତି। ଆକ୍ରାନ୍ତ ଛାତ୍ରମାନେ ଦ୍ବିତୀୟ ଶ୍ରେଣୀରୁ ଷଷ୍ଠ ଶ୍ରେଣୀ ଯାଏ ରହିଥିବା ଶିକ୍ଷକଙ୍କ ଠାରୁ ପ୍ରକାଶ। ଗତ ସୋମବାର ଦିନ ସକାଳୁ ଦୁଇ ଜଣ ଛାତ୍ର ଝାଡ଼ାବାନ୍ତିରେ ଆକ୍ରାନ୍ତ ହେବାରୁ ସେମାନଙ୍କୁ ଚିକିତ୍ସା ପାଇଁ ଡାକ୍ତରଖାନାକୁ ଅଣାଯାଇଥିଲା। ଆଜି ଆଉ ନଅ ଜଣକୁ ଚିକିତ୍ସା ପାଇଁ ଭର୍ତ୍ତି କରାଯାଇଥିବା ବେଳେ ଜଣକୁ ସାଲାଇନ ଦିଆଯାଉଥିବା ଡାକ୍ତର ସୂଚନା ଦେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ଡ଼ାକ୍ତରଙ୍କ କହିବା ଅନୁଯାୟୀ ବଦ୍ ହଜମି ଭୋଗୁଥିବା ବେଳେ ଆବଶ୍ୟକୀୟ ପରିମାଣର ପାଣି ପିଉନଥିବା ଡାକ୍ତର ପ୍ରକାଶ କରିଛନ୍ତି। ପ୍ରକାଶ ଥାଉ କି, ରବିବାର ଦିନ ପିଲାଙ୍କୁ ଚିକେନ ଖାଇବାକୁ ଦିଆ ଯାଇଥିଲା। ବିଦ୍ୟାଳୟ ପାଇଁ ପାଣିର ବ୍ୟବସ୍ଥା ରହିଥିଲେ ମଧ୍ୟ ଦୁଇ ଦିନ ତଳେ ମୋଟର ଖରାପ ହୋଇଯାଇଥିବାରୁ ପିଲାଙ୍କୁ ପିଇବା ପାଣି ମିଳୁନଥିବା ଯୋଗୁଁ ବାହାର ପାଣି ବ୍ୟବହାର କରୁଥିବା ନେଇ ଛାତ୍ରମାନେ ପ୍ରକାଶ କରିଥିଲେ। ଡାକ୍ତରୀଦଳ ତୁରନ୍ତ ଆଶ୍ରମ ସ୍କୁଲକୁ ଯାଇ ସମସ୍ତ ଛାତ୍ରଙ୍କ ସ୍ବାସ୍ଥ୍ୟାବସ୍ଥା ପରୀକ୍ଷା କରିଥିଲେ ବୋଲି ପ୍ରଧାନ ଶିକ୍ଷକ ଏବଂ ଡବ୍ଲୁଇଓ ଶୁଞ୍ଜାନ ରଂଜନ ଜାଲା ପ୍ରକାଶ କରିଛନ୍ତି। ଏବଂ ଯଥାଶୀଘ୍ର ପାନୀୟ ଜଳର ସୁବିଧା କରାଯିବ ବୋଲି କହିଛନ୍ତି।