ରାଜ୍ୟ କ୍ୟାବିନେଟ୍ର ଗୁରୁତ୍ୱପୂର୍ଣ୍ଣ ନିଷ୍ପତ୍ତି: ୧୨ଟି ପ୍ରସ୍ତାବ ଉପରେ ମୋହର
ଭୁବନେଶ୍ୱର: ରାଜ୍ୟ କ୍ୟାବିନେଟ୍ ଶନିବାର ସନ୍ଧ୍ୟାରେ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନେଇଛି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ ବୈଠକରେ ୧୨ଟି ପ୍ରସ୍ତାବ ଉପରେ ମୋହର ଲାଗିଛି। କ୍ୟାବିନେଟ୍ ବୈଠକରେ ୩୦୭ଟି ଗାଁରେ ଶୁଦ୍ଧ ପାଣି ଯୋଗାଣକୁ ଗୁରୁତ୍ୱ ଦିଆଯାଇଛି। ଏ ବାବଦରେ ଆବେଦନ ହୋଇଥିବା ଟେଣ୍ଡରକୁ ମଞ୍ଜୁରୀ ମିଳିଛି। ଷ୍ଟିଲ ଆଣ୍ଡ ମାଇନ୍ସ ବିଭାଗରେ ନୂଆ ନିଯୁକ୍ତି ଉପରେ କ୍ୟାବିନେଟ୍ ମୋହର ଲଗାଇଛି।
Sambad is now on WhatsApp
Join and get latest news updates delivered to you via WhatsApp
ରାଜ୍ୟ କ୍ୟାବିନେଟ୍ରେ ବ୍ଲକ ଗ୍ରାଣ୍ଟ ଶିକ୍ଷକଙ୍କ ସମସ୍ୟା ନେଇ ଆଲୋଚନା ହୋଇଛି। ବ୍ଲକ ଗ୍ରାଣ୍ଟ ସ୍କୁଲ ଓ କଲେଜକୁ ଶତପ୍ରତିଶତ ଗ୍ରାଣ୍ଟ ମଞ୍ଜୁରୀ ଦିଆଯାଇଛି। ଏହା ଦ୍ୱାରା ୨୫ ହଜାର ୬୦୪ ଜଣ ଶିକ୍ଷକ ଉପକୃତ ହେବେ। କ୍ୟାବିନେଟ୍ ବୈଠକରେ ୪ଟି ଗ୍ରାମାଞ୍ଚଳ ପାଇପ ପାଣି ପ୍ରକଳ୍ପ ଉପରେ ମୋହର ଲାଗିଛି। କେନ୍ଦ୍ରାପଡ଼ା, ଝାରସୁଗୁଡ଼ା ଓ ଅନୁଗୁଳରେ ନୂତନ ପ୍ରକଳ୍ପ ଲାଗିବ। ଏହା ଦ୍ୱାରା ୩୦୭ଟି ଗାଁର ୩.୫୩ ଲକ୍ଷ ଲୋକ ଉପକୃତ ହେବେ। ୨୪ ମାସ ଭିତରେ ପ୍ରକଳ୍ପ କାମ ଶେଷ କରାଯିବାକୁ ଲକ୍ଷ୍ୟ ରଖାଯାଇଛି।