ଧାମରା ବନ୍ଦରରେ ଇମିଗ୍ରେସନ୍ ଚେକ୍ ପୋଷ୍ଟ ପାଇଁ ୧୪ ପଦବି
ଭୁବନେଶ୍ବର : ଭଦ୍ରକ ଜିଲ୍ଲାର ଧାମରା ବନ୍ଦରଠାରେ ଏକ ନୂଆ ଇମିଗ୍ରେସନ୍ ଚେକ୍ ପୋଷ୍ଟ ନିମନ୍ତେ ୧୪ଟି ପୁଲିସ ପଦବି ସୃଷ୍ଟି କରାଯାଇଛି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି ନୂଆ ପଦବିଗୁଡ଼ିକୁ ଅନୁମୋଦନ କରିଛନ୍ତି। ଏଥିରେ ଦୁଇଟି ଇନ୍ସ୍ପେକ୍ଟର, ୮ଟି ସବ୍ ଇନ୍ସ୍ପେକ୍ଟର ଓ ୪ଟି କନେଷ୍ଟବଳ ପଦବି ରହିଛି। ସୂଚନାଯୋଗ୍ୟ ଯେ କେନ୍ଦ୍ର ସରକାରଙ୍କ ପକ୍ଷରୁ ଧାମରା ବନ୍ଦରକୁ ଏକ ଇମିଗ୍ରେସନ୍ କେନ୍ଦ୍ର ରୂପେ ଘୋଷଣା କରାଯିବା ପରେ ଏହାର କାର୍ଯ୍ୟଭାର ରାଜ୍ୟ ସରକାର ଗ୍ରହଣ କରିଛନ୍ତି।