ରାଜ୍ୟରେ ୧୫୦୦୦ରୁ ଊର୍ଦ୍ଧ୍ୱ ଅଣୁ, କ୍ଷୁଦ୍ର ଓ ମଧ୍ୟମ ଶିଳ୍ପସଂସ୍ଥା ବନ୍ଦ: ମନ୍ତ୍ରୀ
ଭୁବନେଶ୍ୱର: ସର୍ବଶେଷ ଭାରତୀୟ ଶିଳ୍ପ ଗଣନା ଅନୁସାରେ ରାଜ୍ୟରେ ୧୫ ହଜାର ୩୧୫ ଗୋଟି ଅଣୁ, କ୍ଷୁଦ୍ର ଓ ମଧ୍ୟମ ଶିଳ୍ପ ସଂସ୍ଥା ବନ୍ଦ ଅଛି ବୋଲି ଉଦ୍ୟୋଗ ମନ୍ତ୍ରୀ ଦିବ୍ୟ ଶଙ୍କର ମିଶ୍ର ଆଜି ବିଧାନସଭାକୁ ଜଣାଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ଆଜି ଖଣ୍ଡାପଡ଼ା ବିଧାୟକ ସୌମ୍ୟରଂଜନ ପଟ୍ଟନାୟକଙ୍କର ଏକ ଲିଖିତ ପ୍ରଶ୍ନର ଉତ୍ତରରେ ମନ୍ତ୍ରୀ ଶ୍ରୀ ମିଶ୍ର କହିଥିଲେ ଯେ,୨୦୦୬-୦୭ ଚତୁର୍ଥ ସର୍ବଭାରତୀୟ ଶିଳ୍ପ ଗଣନା ଅନୁସାରେ ରାଜ୍ୟରେ ପଞ୍ଜିକୃତ ହୋଇଥିବା ଶିଳ୍ପ ସଂସ୍ଥା ମଧ୍ୟରୁ ୧୫ ହଜାର ୩୧୫ ଗୋଟି ଅଣୁ, କ୍ଷୁଦ୍ର ଓ ମଧ୍ୟମ ଶିଳ୍ପ ସଂସ୍ଥା ବନ୍ଦ ଅଛି। ଏହାପରେ ଆଉ ଶିଳ୍ପ ଗଣନା ହୋଇନାହିଁ ବୋଲି ସେ ପ୍ରକାଶ କରିଛନ୍ତି।
୨୦୧୯-୨୦ ଜୁନ୍ ମାସ ଶେଷ ସୁଦ୍ଧା ୩ ଲକ୍ଷ ୯୬ ହଜାର ୫୧୦ ଗୋଟି ଅଣୁ, କ୍ଷୁଦ୍ର ଓ ମଧ୍ୟମ ଶିଳ୍ପରେ ୧୧୪୦୭ କୋଟି ୫ ଲକ୍ଷ ଟଙ୍କା ପୁଞ୍ଜି ବିନିଯୋଗରେ ୧୨ ଲକ୍ଷ ୭୯ ହଜାର ୯୧୮ ଜଣ ନିଯୁକ୍ତି ପାଇଛନ୍ତି ବୋଲି ବିଭାଗୀୟ ମନ୍ତ୍ରୀ କହିଥିଲେ।
ଅଣୁ,କ୍ଷୁଦ୍ର ଓ ମଧ୍ୟମ ଉଦ୍ୟୋଗକୁ ପ୍ରୋତ୍ସାହନ ଦେବା ପାଇଁ ସରକାରଙ୍କ ପକ୍ଷରୁ ଶିଳ୍ପନୀତି-୨୦୧୫,ଅଣୁ,କ୍ଷୁଦ୍ର ଓ ମଧ୍ୟମ ଉଦ୍ୟୋଗ ବିକାଶ ନୀତି-୨୦୧୬,ଓଡ଼ିଶା ଖାଦ୍ୟ ପ୍ରକ୍ରିୟାକରଣ ନୀତି-୨୦୧୬ ଏବଂ ଓଡ଼ିଶା ଷ୍ଟାର୍ଟର୍ ଅପ୍ ନୀତି ୨୦୧୬ ପ୍ରଣୟନ କରାଯାଇଛି।
ତେବେ ବନ୍ଦ ହୋଇଥିବା ଶିଳ୍ପ ସଂସ୍ଥାର ପୁନରୁଦ୍ଧାର ପାଇଁ ସରକାରଙ୍କର କୌଣସି ପ୍ରସ୍ତାବ ନାହିଁ ବୋଲି ମନ୍ତ୍ରୀ ଶ୍ରୀ ମିଶ୍ର କହିଥିଲେ।