ଆଉ ୧୭ଜଣଙ୍କ ମୃତ୍ୟୁ, ରାଜ୍ୟରେ କରୋନାଜନିତ ମୃତକଙ୍କ ସଂଖ୍ୟା ୮୯୨କୁ ବୃଦ୍ଧି 

ଭୁବନେଶ୍ବର: କରୋନାରେ ପୁଣି ୧୭ଜଣଙ୍କ ମୃତ୍ୟୁ ଘଟିଛି।  ଏହାଫଳରେ ରାଜ୍ୟରେ କରୋନାଜନିତ ମୃତ୍ୟୁ ସଂଖ୍ୟା ୮୯୨କୁ ବୃଦ୍ଧି ପାଇଛି। ଏନେଇ ରାଜ୍ୟ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ପକ୍ଷରୁ ସୂଚନା ଦିଆଯାଇଛି।

ରାଜ୍ୟରେ ଆଜି ଯେଉଁ ୧୭ ଆକ୍ରାନ୍ତଙ୍କ ମୃତ୍ୟୁ ଘଟିଛି, ସେଥିମଧ୍ୟରେ  ବାଲେଶ୍ବର  ଓ ଢେଙ୍କାନାଳରୁ ୩ ଜଣ ଲେଖାଏଁ , ଖୋର୍ଦ୍ଧା, ପୁରୀ ଓ ଜଗତସିଂହପୁରରୁ ୨ ଜଣ ଲେଖାଏଁ  କରୋନା ରୋଗୀ ମୃତ୍ୟୁବରଣ କରିଥିବା ବେଳେ ନୟାଗଡ଼, ଭଦ୍ରକ, ମୟୂରଭଞ୍ଜ, ଗଞ୍ଜାମ ଓ ଯାଜପୁରରୁ ଜଣେ ଲେଖାଏଁ କରୋନା ଆକ୍ରାନ୍ତ ପ୍ରାଣ ହରାଇଥିବା ଜଣାଯାଇଛି। ଏମାନେ ସମସ୍ତେ କୋଭିଡ ହସ୍ପିଟାଲରେ ଚିକିତ୍ସିତ ହେଉଥିବା ବେଳେ ମୃତ୍ୟୁବରଣ କରିଛନ୍ତି।

ବାଲେଶ୍ବରର ଯେଉଁ ୩ ପୁରୁଷ ମୃତକ ଅଛନ୍ତି, ସେମାନଙ୍କ ବୟସ ଯଥାକ୍ରମେ ୪୭, ୬୨ ଓ ୬୫ ବର୍ଷ। ଠିକ୍ ସେହିପରି ଢେଙ୍କାନାଳର ଯେଉଁ ୩ ପୁରୁଷ ମୃତକ ଅଛନ୍ତି, ସେମାନଙ୍କ ବୟସ ଯଥାକ୍ରମେ ୩୬, ୬୧ ଓ ୬୫ ବର୍ଷ। ଜଗତସିଂହପୁର ଦୁଇ ପୁରୁଷ ମୃତକଙ୍କ ବୟସ ଯଥାକ୍ରମେ ୬୨ ଓ ୪୯ ବର୍ଷ। ପୁରୀର ଦୁଇ ମୃତକଙ୍କ ବୟସ ଭିତରେ ଜଣେ ୮୫ ବର୍ଷ ବୟସ୍କ ପୁରୁଷ  ଓ ଜଣେ ୭୦ ବର୍ଷ ବୟସ୍କା ମହିଳା ଅଛନ୍ତି। ଖୋର୍ଦ୍ଧାର ଦୁଇ ମୃତକଙ୍କ ବୟସ ଭିତରେ ଜଣେ ୬୫ ବର୍ଷ ବୟସ୍କ ପୁରୁଷ  ଓ ଜଣେ ୬୮ ବର୍ଷ ବୟସ୍କା ମହିଳା ଅଛନ୍ତି।

ଅପରପକ୍ଷରେ ନୟାଗଡ଼ ଓ ଭଦ୍ରକରୁ ଯେଉଁ ଜଣେ ଲେଖାଏଁ ମହିଳା ପ୍ରାଣ ହରାଇଛନ୍ତି, ସେମାନଙ୍କ  ବୟସ ଯଥାକ୍ରମେ ୫୮ ଓ ୫୬ ବର୍ଷ।  ଠିକ୍ ସେହିପରି ମୟୂରଭଞ୍ଜ, ଗଞ୍ଜାମ ଓ ଯାଜପୁରରୁ ଜଣେ ଲେଖାଏଁ ପୁରୁଷ ପ୍ରାଣ ହରାଇଛନ୍ତି, ସେମାନଙ୍କ  ବୟସ ଯଥାକ୍ରମେ ୫୬, ୫୪ ଓ ୫୭ ବର୍ଷ।

ସମ୍ବନ୍ଧିତ ଖବର

Comments are closed.