ଭୁବନେଶ୍ୱର : ଗତ ୨୪ ଘଣ୍ଟାରେ ରାଜ୍ୟରେ ୧୮ ଜଣ କରୋନା ଆକ୍ରାନ୍ତ ମୃତ୍ୟୁବରଣ କରିଛନ୍ତି । ମୃତ୍ୟୁବରଣ କରିଥିବା ୧୮ ଆକ୍ରାନ୍ତଙ୍କ ମଧ୍ୟରୁ ୪ ଜଣ ମହିଳା ରହିଛନ୍ତି । । ଏହା ସହିତ ରାଜ୍ୟରେ ମୋଟ କରୋନା ମୃତ୍ୟୁସଂଖ୍ୟା ୯୫୮ ରେ ପହଞ୍ଚିଛି ।
Sambad is now on WhatsApp
Join and get latest news updates delivered to you via WhatsApp
ରାଜ୍ୟ ସ୍ୱାସ୍ଥ୍ୟ ବିଭାଗ ପକ୍ଷରୁ ମିଳିଥିବା ସୂଚନା ଅନୁସାରେ ମୃତ୍ୟୁବରଣ କରିଥିବା ୧୮ ଆକ୍ରାନ୍ତଙ୍କ ମଧ୍ୟରୁ ୧୦ ଜଣଙ୍କର ପୂର୍ବରୁ ଅନ୍ୟ ରୋଗ ଥିବାବେଳେ ଅବଶିଷ୍ଟ ୮ ଜଣ କେବଳ କରୋନା ଆକ୍ରାନ୍ତ ହୋଇ ମୃତ୍ୟୁବରଣ କରିଛନ୍ତି ।
Regret to inform the demise of eighteen #COVID19 positive patients while under treatment in hospitals.
1.A 72-year old male of Balasore district who was also suffering from Hypertension.
2.A 94-year old female of Balasore district
— H & FW Dept Odisha (@HFWOdisha) October 7, 2020
ବାଲେଶ୍ୱର ଜିଲ୍ଲାରୁ ସର୍ବାଧିକ ୪ ଜଣ ମୃତ୍ୟୁବରଣ କରିଥିବାବେଳେ ସୁନ୍ଦରଗଡ଼, ପୁରୀ, ନୟାଗଡ଼ ଜିଲ୍ଲାରୁ ଦୁଇଜଣ ଲେଖାଏଁ ଓ ଖୋର୍ଦ୍ଧା, କନ୍ଧମାଳ, ମୟୁରଭଞ୍ଜ,ଦେବଗଡ଼, ବୌଦ୍ଧ, ସମ୍ବଲପୁର, କୋରାପୁଟ ଓ ଯାଜପୁର ଜିଲ୍ଲାରୁ ଜଣେ ଲେଖାଏଁ ମୃତ୍ୟୁବରଣ କରିଛନ୍ତି । ବାଲେଶ୍ୱର ଜିଲ୍ଲାର ୬୬, ୭୦ ଓ ୭୨ ବର୍ଷ ବୟସର ୩ ଜଣ ପୁରୁଷ ଓ ୯୪ ବର୍ଷର ବୃଦ୍ଧା ମୃତ୍ୟୁବରଣ କରିଛନ୍ତି । ସେହିପରି ବୌଦ୍ଧର ଜଣେ ୬୦ ବର୍ଷର ପୁରୁଷ ଓ ଦେବଗଡ଼ର ୭୦ ବର୍ଷର ପୁରୁଷ, ଯାଜପୁରର ୬୨ ବର୍ଷର ପୁରୁଷ, କନ୍ଧମାଳର ୭୨ ବର୍ଷର ପୁରୁଷ, ଖୋର୍ଦ୍ଧାର ୬୨ ବର୍ଷର ପୁରୁଷ ଓ କୋରାପୁଟର ଜଣେ ୬୯ ବର୍ଷର ମହିଳା ପ୍ରାଣ ହରାଇଛନ୍ତି । ସେହିପରି ମୟୁରଭଞ୍ଜର ଜଣେ ୫୫ ବର୍ଷର ପୁରୁଷ, ନୟାଗଡ଼ର ୭୫ ବର୍ଷ ଓ ୭୨ ବର୍ଷର ଦୁଇଜଣ ପୁରୁଷ, ପୁରୀର ୬୫ ବର୍ଷର ପୁରୁଷ ଓ ୮୨ ବର୍ଷର ବୃଦ୍ଧା ପ୍ରାଣ ହରାଇଛନ୍ତି । ସେହିପରି ସମ୍ବଲପୁରର ଜଣେ ୪୦ ବର୍ଷର ପୁରୁଷ, ସୁନ୍ଦରଗଡ଼ର ଜଣେ ୪୦ ବର୍ଷ ପୁରୁଷ ପ୍ରାଣ ହରାଇଛନ୍ତି ।