ଜହ୍ନାପଙ୍କ: ବୌଦ୍ଧ ବ୍ଲକ ବଘିଆପଡା ପଂଚାୟତ ଭୁକ୍ତାପଡା ଗ୍ରାମରେ ୧୮ ଜଣିଆ ହାତୀପଲ ଗ୍ରାମ ମଧ୍ୟରେ ବୁଧବାର ଦୀର୍ଘ ଦୁଇଘଣ୍ଟା ରହିଥିବା ଜଣାପଡିଛି l ଏଥିରେ ଦୁଇ ମାସ ମଧ୍ୟରେ ଜନ୍ମ ହୋଇଥିବା ଦୁଇଟି ଛୁଆ ହାତୀ ମଧ୍ୟ ଥିଲେ l ହାତୀମାନଙ୍କୁ ଦେଖି ଗ୍ରାମବାସୀ ଭୟଭୀତ ହୋଇ ଘର ଭିତରେ ତାଟି କବାଟ ବନ୍ଦ କରି ଦୀର୍ଘ ଏକ ଘଣ୍ଟା ସମୟ ରହିଥିଲେ l ହାତୀପଲ ଗ୍ରାମର କେତେକ ଚାଷୀଙ୍କ ବାରି ପଟକୁ ଯାଇ ପନିପରିବା ଫସଲ ଖାଇ ନଷ୍ଟ ମଧ୍ୟ କରିଦେଇଛନ୍ତି l
Sambad is now on WhatsApp
Join and get latest news updates delivered to you via WhatsApp
ଏନେଇ ବନ ବିଭାଗଙ୍କୁ ଖବର ଦେଲା ପରେ ବନବିଭାଗର ଏସିଏଫ ଜିତେନ୍ଦ୍ର ବେହେରା, ଡେପୁଟି ରେଞ୍ଜର ପ୍ରଦୋଷ କୁମାର ମହାରଣା, ଫରେଷ୍ଟର ଏମ ପ୍ରସାଦ ମହାରଣା, ଫରେଷ୍ଟ ଗାର୍ଡ ଶରଦ ଚନ୍ଦ୍ର ନାଏକ ଓ ରମାକାନ୍ତ ପାଣିଗ୍ରାହୀ ଏବଂ ବନ ବିଭାଗର କର୍ମଚାରୀ ମାନେ ପହଂଚି ହାତୀପଲ ଙ୍କୁ ଘଉଡ଼ାଇ ବାକୁ ସକ୍ଷମ ହୋଇଥିଲେ l ଏହା ପରେ ହାତୀପଲ ନିକଟସ୍ଥ ଜଙ୍ଗଲକୁ ଚାଲି ଯାଇଥିଲେ l