ଭୁବନେଶ୍ୱର: କୃଷି ବିଭାଗ ଅଧୀନସ୍ଥ ମୃତ୍ତିକା ସଂରକ୍ଷଣ ଓ ଜଳ ବିଭାଜିକା ଉନ୍ନୟନ ନିର୍ଦେଶାଳୟ ଦ୍ବାରା ‘କ୍ଷେତ ପୋଖରୀ’ ଯୋଜନାରେ ଆରମ୍ଭରୁ ବର୍ତ୍ତମାନସୁଦ୍ଧା ରାଜ୍ୟର ବିଭିନ୍ନ ଜିଲ୍ଲାରେ ୧୮୮୧୭.୧୨ ଏକର ଚାଷଜମିରେ ପୋଖରୀ ଖୋଳାଯାଇଛି। କୋରାପୁଟ ଜିଲ୍ଲାରେ ୭୭୯୭.୫ ଏକର, ମାଲକାନଗିରିରେ ୧୪୮୪, ନବରଙ୍ଗପୁରରେ ୧୦୩୬.୦୬, କେନ୍ଦୁଝର ୯୦୭.୨, ସୁନ୍ଦରଗଡ଼ରେ ୬୭୬.୫ ଓ ଝାରସୁଗୁଡ଼ାରେ ୧.୪୦୨୭ ଏକର ଚାଷଜମିରେ ପୋଖରୀ ଖୋଳା ଯାଇଥିବା ସୂଚନା ଦେଇଛନ୍ତି କୃଷି ମନ୍ତ୍ରୀ ରଣେନ୍ଦ୍ର ପ୍ରତାପ ସ୍ବାଇଁ।
Sambad is now on WhatsApp
Join and get latest news updates delivered to you via WhatsApp
ବିଧାୟକ ସୌମ୍ୟରଂଜନ ପଟ୍ଟନାୟକଙ୍କ ଏକ ପ୍ରଶ୍ନର ଉତ୍ତରରେ ସେ କହିଛନ୍ତି ଯେ କ୍ଷେତ ପୋଖରୀ ଖୋଳାଯାଇ ସମନ୍ବିତ କୃଷି ବାବଦରେ ୨୦୨୨-୨୩ ଆର୍ଥିକ ବର୍ଷରେ ୧୮୯.୨୭୨ ଲକ୍ଷ ଟଙ୍କା ରିହାତି ବ୍ୟୟ କରାଯାଇଛି। କୃଷି ଓ ଖାଦ୍ୟ ଉତ୍ପାଦନ ନିର୍ଦେଶାଳୟ, ଉଦ୍ୟାନ ନିର୍ଦେଶାଳୟ, ମତ୍ସ୍ୟ ନିର୍ଦେଶାଳୟ, ପ୍ରାଣୀ ସଂପଦ ବିକାଶ ନିର୍ଦେଶାଳୟ ଓ ମୃତ୍ତିକା ସଂରକ୍ଷଣ ଓ ଜଳ ବିଭାଜିକା ଉନ୍ନୟନ ନିର୍ଦେଶାଳୟ ଦ୍ବାରା ବିଭିନ୍ନ କାର୍ଯ୍ୟକ୍ରମ କାର୍ଯ୍ୟକାରୀ କରାଯାଉଛି। ଏହାଦ୍ବାରା ସଂପୃକ୍ତ ଚାଷୀଙ୍କ ଆୟ ବୃଦ୍ଧି ପାଇଛି।