ରାଇରଙ୍ଗପୁର/ବିଶୋଇ: ମୟୂରଭଞ୍ଜ ଜିଲ୍ଲା ଦେଇ ଯାଇଥିବା ୪୯ ନଂ. ଜାତୀୟ ରାଜପଥର ବିଶୋଇ ଥାନା ଅର୍ନ୍ତଗତ ନୂଆଗାଁ ଓ ଅଶନବଣୀ ଛକ ନିକଟରେ ଦୁଇଟି ପୃଥକ ଦୁର୍ଘଟଣା ଘଟିବାରୁ ୫ ଗୁରୁତର ହୋଇଛନ୍ତି। ନୂଆଗାଁଠାରେ ଜାମଝରୀ ଗ୍ରାମର ଅଶୋକ ନନ୍ଦ ଓ ଦୁଃଶାସନ ଗିରି ଓଡି ୦୯-ଇ-୯୯୯୮ ନମ୍ବର ବିଶିଷ୍ଟ ଏକ ବାଇକରେ ଯାଉଥିବା ସମୟରେ ଭାରସାମ୍ୟ ହରାଇ ଖସିପଡିଥିଲେ । ପ୍ରଥମେ ଉଭୟଙ୍କୁ ମଣଦା ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା । ଅବସ୍ଥା ସଂକଟାପନ୍ନ ହେବାରୁ ରାଇରଙ୍ଗପୁର ଉପଖଣ୍ଡ ଚିକିତ୍ସାଳୟରେ ଭର୍ତ୍ତି କରାଯାଇଥିଲା।
Sambad is now on WhatsApp
Join and get latest news updates delivered to you via WhatsApp
ସେହିପରି ଜାତୀୟ ରାଜପଥର ଅଶନବଣୀ ଛକ ନିକଟରେ ଟ୍ରକ୍ ଓ ବାଇକ୍ ଧକ୍କାରେ ବାଙ୍ଗିରିପୋଷୀ ଥାନା ଧବଳେଶ୍ୱର ଗ୍ରାମର ନିରଞ୍ଜନ ନାଏକ ଓ ଲିଟୁ ନାଏକ ଗୁରୁତର ହୋଇଥିଲେ । ସ୍ଥାନୀୟ ଲୋକେ ତାଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ୧୦୮ ଆମ୍ବୁଲାନ୍ସ ଯୋଗେ ଯଶିପୁର କଲେଜକୁ ସ୍ଥାନାନ୍ତରିତ କରିଛନ୍ତି। ତେବେ ଦୁର୍ଘଟଣା ପରେ ଦୀର୍ଘ ୪ ଘଣ୍ଟା ଧରି ଜାତୀୟ ରାଜପଥ ଜାମ୍ ଥିଲା । ଫଳରେ ଯାନବାହନ ଚଳାଚଳ ବାଧାପ୍ରାପ୍ତ ହୋଇଥିଲା।