କରୋନା ଭୁତାଣୁ ସଂକ୍ରମଣ ସନ୍ଦେହରେ ବୁର୍ଲା ଓ କେନ୍ଦୁଝର ମେଡିକାଲରେ ଭର୍ତ୍ତି ହେଲେ ଦୁଇ ଯୁବକ
ଭୁବନେଶ୍ୱର: ଓଡ଼ିଶାରେ କିଭଳି ରହିଛି କରୋନାର ସ୍ଥିତି | ଏହାକୁ ନେଇ ଆଜି ଲୋକସେବା ଭବନରେ ଉଚ୍ଚସ୍ତରୀୟ ବୈଠକ ଅନୁଷ୍ଠିତ ହୋଇଯାଇଛି | ସ୍ୱାସ୍ଥ୍ୟ ସଚିବ ନିକୁଞ୍ଜ ଧଳଙ୍କ ଅଧ୍ୟକ୍ଷତାରେ ବୈଠକ ହୋଇଥିବାବେଳେ ୧୧୭ ଜଣ ଆକ୍ରାନ୍ତ ହୋମ୍ ଆଇସୋଲେସନରେ ଥିବାର ସୂଚନା ମିଳିଛି | ସେହିପରି ୨ ଜଣ ଏସସିବିର ସ୍ୱତନ୍ତ୍ର ୱାର୍ଡରେ ଚିକିତ୍ସାଧୀନ ଅଛନ୍ତି । ପରୀକ୍ଷା ପାଇଁ ୨ଟି ରକ୍ତ ନମୁନା ପୁନେ ପଠାଯାଇଛି । ଆରଏମଆରସିକୁ ୨ଟି ସାମ୍ପଲ ପଠାଯାଇଛି । କରୋନା ସମ୍ପର୍କିତ ସଚେତନତା ଭିଡିଓ ଫର୍ମାଟରେ ଲୋକଙ୍କୁ କୁହାଯିବ ବୋଲି ସୂଚନା ଦିଆଯାଇଛି | ଅନ୍ୟପଟେ ବୁର୍ଲା ଭିମସାର ଓ କେନ୍ଦୁଝର ଜିଲ୍ଲା ମୁଖ୍ୟ ଚିକିତ୍ସାଳୟରେ ଜଣେ ଜଣେ କରୋନା ସନ୍ଦିଗ୍ଧ ଭର୍ତ୍ତି ହୋଇଥିବା ଜଣାପଡ଼ିଛି।
Sambad is now on WhatsApp
Join and get latest news updates delivered to you via WhatsApp
କରୋନା ଭୂତାଣୁ ସଂକ୍ରମଣ ସନ୍ଦେହରେ ଯୁବକ ଭର୍ତ୍ତି ହୋଇଛନ୍ତି | ତାଙ୍କୁ ସ୍ୱତନ୍ତ୍ର ଆଇସୋଲେସନ ୱାର୍ଡରେ ରଖାଯାଇଛି | ଏହି ଯୁବକଙ୍କ ଘର ସୋନପୁର ଜିଲ୍ଲାରେ ହୋଇଥିବା ସୂଚନା ମିଳିଥିବାବେଳେ କିଛିଦିନ ପୂର୍ବେ ଯୁବକ ଜଣକ ଦୁବାଇରୁ ଘରକୁ ଫେରିଥିଲେ | ସେହିପରି କେନ୍ଦୁଝର ମୁଖ୍ୟ ଚିକିତ୍ସାଳୟରେ ମଧ୍ୟ କରୋନା ସଂକ୍ରମଣ ସନ୍ଦେହରେ ଜଣେ ଭର୍ତ୍ତି ହୋଇଛନ୍ତି । ଆଣ୍ଡାମାନରୁ ଫେରିଥିବା ଏହି ବ୍ୟକ୍ତିଙ୍କୁ ମେଡିକାଲରେ ଚିକିତ୍ସା କରାଯାଉଛି । ଗତ ୩ଦିନ ତଳେ ଆଣ୍ଡାମାନ ନିକୋବରରୁ ସେ ଫେରିଥିଲେ |
କରୋନା ନେଇ ଗଣଶିକ୍ଷା ମନ୍ତ୍ରୀ ସମୀର ଦାଶ କହିଛନ୍ତି ଯେ ସ୍କୁଲଗୁଡିକୁ ସତର୍କ କରାଯାଇଛି । ସ୍ୱାସ୍ଥ୍ୟ ବିଭାଗ ନିର୍ଦ୍ଦେଶ ଅନୁସାରେ ପଦକ୍ଷେପ ନିଆଯିବ । ଅନ୍ୟ ଯେଉଁ ରାଜ୍ୟରେ କରୋନା ଚିହ୍ନଟ ହୋଇଛି , ସେଠାରେ ସ୍କୁଲ ବନ୍ଦ ଅଛି । ରାଜ୍ୟରେ ଯେହେତୁ ଚିହ୍ନଟ ହୋଇନି ସ୍କୁଲ ବନ୍ଦ ହେବନାହିଁ | ଯେହେତୁ ଦେଶର ବିଭିନ୍ନ ରାଜ୍ୟରେ କରୋନା ଭାଇରସ ଚିହ୍ନଟ ହେଲାଣି ତେଣୁ ସମସ୍ତ ଛାତ୍ରଛାତ୍ରୀଙ୍କୁ ସତର୍କ କରାଯିବ ବୋଲି ଗଣଶିକ୍ଷା ମନ୍ତ୍ରୀ କହିଛନ୍ତି |