ବିଦ୍ୟୁତ୍ ତାର ବିଛାଇ ବାରହା ଶିକାର, ଦୁଇ ଗିରଫ
ପାଇକସାହି: ଅନୁଗୁଳ ଜିଲ୍ଲାର ଆଠମଲ୍ଲିକ ବନଖଣ୍ଡ ଧଣ୍ଡାତୋପା ରେଞ୍ଜ ହାତୀଧରା ଜଙ୍ଗଲରୁ ସୋମବାର ଦୁଇଟି ଜଙ୍ଗଲୀ ବାରହା ଶିକାର କରାଯାଇଛି। ଏହି ଘଟଣାରେ କେଞ୍ଚୁଆ ନାଳୀ ଗାଁର ତୋଫାନ ଭୋଇ (୩୦) ଓ ପ୍ରଫୁଲ୍ଲ ଭୋଇ(୬୦)ଙ୍କୁ ବନ ବିଭାଗ ଗିରଫ କରିଛି। ଅନ୍ୟ ଚାରି ଅଭିଯୁକ୍ତ ଫେରାର ଅଛନ୍ତି।
Sambad is now on WhatsApp
Join and get latest news updates delivered to you via WhatsApp
ବନ ବିଭାଗର ସୂଚନା ମୁତାବକ, ଏହି ଅଭିଯୁକ୍ତମାନେ ବାରହା ଶିକାର ଉଦ୍ଦେଶ୍ୟରେ କ୍ଷେତ ନିକଟରେ ବିଦ୍ୟୁତ ତାର ବିଛାଇ ଥିଲେ, ଯାହାର ସଂସ୍ପର୍ଶରେ ଆସି ଦୁଇଟି ବାରହା ମୃତ୍ୟୁ ବରଣ କରିଛନ୍ତି। ବନ ବିଭାଗ ଦୁଇଟି ବାରହାଙ୍କର ମୃତଦେହ ଜବତ କରିଛି।