ଚଢ଼େଇଧରା: ଯାଜପୁର ଜିଲ୍ଲା ଧର୍ମଶାଳା ତହସିଲ ଅଧୀନସ୍ଥ ମହିସରl ପଂଚାୟତ ରାହାଡ଼ପୁର କଳାପଥର ପାହାଡ଼ରେ ବେଆଇନ ପଥର ଖନନ, ପରିବହନ ଓ ବେଆଇନ କ୍ରସର ଚାଲିବାକୁ ନେଇ ଗ୍ରାମବାସୀ ଓ ମାଫିଆଙ୍କ ମଧ୍ୟରେ ବୁଧବାର ବିଳମ୍ବିତ ରାତିରେ ମାରପିଟ ହୋଇଥିବାର ଖବର ମିଳିଛି l ବେଆଇନ ପଥର ଖନନକୁ ସମର୍ଥନ କରୁଥିବା ବାବା ଷ୍ଟୋନ କ୍ରସର ମାଲିକ କିଛି ମାଫିଆଙ୍କୁ ଏକାଠି କରି ଗ୍ରାମବାସୀଙ୍କୁ ବୋମା ଓ ମାଉଜର ଧମକ ଦେଇ ବେଆଇନ ପଥର ବ୍ୟବସାୟ ଜାରି ରଖିବା ଓ ବିରୋଧ ନ କରିବାକୁ ଧମକ ଦେଇଥିଲେ l ଏଥିରେ ଉତକ୍ଷିପ୍ତ ହୋଇ ଶତାଧିକ ଗ୍ରାମବାସୀ ସଙ୍ଘବଦ୍ଧ ହୋଇ ମାଫିଆ ଗୋଷ୍ଠୀଙ୍କୁ ଆକ୍ରମଣ କରିଥିଲେ l
Sambad is now on WhatsApp
Join and get latest news updates delivered to you via WhatsApp
ରାତିର ଅନ୍ଧାରରେ ମାଫିଆ ଛତ୍ରଭଙ୍ଗ ହୋଇ ଗୋଟିଏ ଖୋଲା ଗାଡ଼ିରେ ପଳେଇ ଯିବା ସମୟରେ ଅନ୍ୟ ଦୁଇଟି ଗାଡ଼ି (ଓଡି ୦୪ଏନ୍୪୩୩୩ ଓ ଓଡି-୦୨ ଏକ୍ୟୁ ୭୮୧୧)କୁ ଛାଡ଼ି ପଳେଇ ଥିଲେ l ଖବର ପାଇ ଜେନାପୁର ପୋଲିସ ଘଟଣା ସ୍ଥଳରେ ପହଂଚି ଦୁଇଟି ଗାଡ଼ିକୁ ନିଜ ହେପାଜତକୁ ନେବା ସହ ଉତ୍ତେଜିତ ଲୋକଙ୍କ ଠାରୁ ଅଭିଯୋଗ ପତ୍ର ଗ୍ରହଣ କରିଥିଲେl