କେନ୍ଦ୍ରାପଡ଼ା: କେନ୍ଦ୍ରାପଡ଼ା ସହରର ଦୁହୁରିଆ ଓମଫେଡ ଛକ ନିକଟରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ଏଠାରେ ଦୋଳ ବିମାନ ନେଇ ଯାଉଥିବା ଲୋକଙ୍କୁ ପିକ୍ଅପ୍ ଭ୍ୟାନ୍ ଧକ୍କା ଦେବା ଫଳରେ ୨ଜଣଙ୍କ ମୃତ୍ୟୁ ଘଟିଥିବା ବେଳେ ୩ ଗୁରୁତର ହୋଇଥିବା ଜଣାଯାଇଛି।
ସୂଚନା ଅନୁଯାୟୀ, ବାଲିଆରେ ଦୋଳ ମେଲଣ ସାରି ଦୁହୁରିଆ ମେଲଣକୁ ଦୋଳ ବିମାନ ନେଇ ଯାଉଥିବା ବେଳେ ଲୋକଙ୍କୁ ଏକ ମାଛ ବୋଝେଇ ପିକ୍ଅପ୍ ଭ୍ୟାନ୍(ଓଡି୦୫-ଏଆର୍ ୯୩୦୯) ଧକ୍କା ଦେଇଥିଲା । ରାତି ପ୍ରାୟ ଗୋଟା ଏବେଳେ ଏହି ଅଘଟଣ ଘଟିଥିଲା। ପିକ୍ଅପ୍ ଭ୍ୟାନ୍ ପଟ୍ଟାମୁଣ୍ଡାଇ ଅଭିମୁଖେ ଯାଉଥିବା ବେଳେ ଲୋକଙ୍କ ଉପରକୁ ଚଢ଼ିଯାଇଥିଲା।
Sambad is now on WhatsApp
Join and get latest news updates delivered to you via WhatsApp
ଏଥିରେ ଘଟଣାସ୍ଥଳରେ ୨ ଜଣଙ୍କର ମୃତ୍ୟୁ ଘଟିଥିବା ବେଳେ ୩ ଜଣଙ୍କ ଅବସ୍ଥା ଗୁରୁତର ରହିଛି। ମୃତକ ଦ୍ୱୟ ହେଉଛନ୍ତି ବଣହରା ବାଲିଆ ଗାଁର ଦିବ୍ୟଜ୍ୟୋତି ଦାସ ଓ ବଡ଼ଗାଁର ସୋମନାଥ ସାହୁ ଓରଫ ଧୁନା। ୩ ଗୁରୁତରଙ୍କୁ କଟକ ବଡ଼ ମେଡିକାଲରେ ଭର୍ତ୍ତି କରାଯାଇଛି। ଦିବ୍ୟଜ୍ୟୋତି ଦାସ ହେଉଛନ୍ତି ବିମାନ ମାଲିକଙ୍କ ପୁଅ ବୋଲି ଜଣାଯାଇଛି। ତେବେ ଘଟଣା ଘଟାଇବା ପରେ ଚାଳକ ଫେରାର ହୋଇଯାଇଛି।