ଅଜଣା ଗାଡ଼ି ଧକ୍କାରେ ଚାଲିଗଲା ଦୁଇ ଯୁବକଙ୍କ ଜୀବନ

ବଲାଙ୍ଗୀର: ବଲାଙ୍ଗୀର ଭୀମ ଭୋଇ ହସ୍ପିଟାଲରେ ୨ ବାଇକ ଆରୋହୀଙ୍କର ମୃତ୍ୟୁ ହୋଇଥିବା ଜଣାଯାଇଛି। ମୃତକ ହେଲେ ପୁଇଁତଳା ଥାନା ଅନ୍ତର୍ଗତ ଛତାପିପିଲି ଗ୍ରାମର ‌ଖଗେଶ୍ବର ଦୀପ(୪୦) ଓ ତାଲମାଲି ଗ୍ରାମର ଶଚିକାନ୍ତ ଓରଫ ବବି ନାଗ (୩୫)।

ସୂଚନା ଅନୁଯାୟୀ ଗତକାଲି ରାତିରେ ଖଗେଶ୍ବର ଦୀପ ଓ  ଶଚିକାନ୍ତଙ୍କ ସମେତ ତିନିଜଣ ଯୁବକ ଏକ ବାଇକରେ ନିଜ ଗାଁକୁ ଫେରୁଥିଲେ। ବାଇକକୁ ଏକ ଅଜଣା ଗାଡ଼ି ଧକ୍କା ଦେଇଥିଲା। ଏଥିରେ ଖଗେଶ୍ବର ଓ  ଶଚିକାନ୍ତ  ଗୁରୁତର ହୋଇପଡ଼ିଥିଲେ। ଏହି ଦୁର୍ଘଟଣା ପୁଇଁତଳା ଥାନା ମଳମୁଣ୍ଡା ରାସ୍ତା ନିକଟରେ ଘଟିଥିଲା। ଉଭୟଙ୍କୁ ଉଦ୍ଧାର କରାଯାଇ ବଲାଙ୍ଗୀର ଭୀମ ଭୋଇ ହସ୍ପିଟାଲରେ ଭର୍ତ୍ତି କରାଯାଇଥିଲା। ସେଠାରେ ଚିକିତ୍ସାଧୀନ ଅବସ୍ଥାରେ ଜଣଙ୍କର ବିଳମ୍ବିତ ରାତିରେ ଓ ଆଉଜଣଙ୍କର ଆଜି ଭୋର ସମ୍ୟରେ ମୃତ୍ୟୁ ହୋଇଛି। ତେବେ ଅନ୍ୟ ବାଇକ୍ ଆରୋହୀ ସାମାନ୍ୟ ଅ‌ାହତ ହୋଇଥିଲେ। ଘଟଣା ପ୍ରଚାରିତ ହେବା ପରେ ଉଭୟ ଗାଁରେ ଶୋକାକୁଳ ପରିବେଶ ସୃଷ୍ଟି ହୋଇଛି।