ରଣପୁର-ରାଜସୁନାଖଳାର ୧୩ କି.ମି ରାସ୍ତା ମଧ୍ୟରେ ୨୩ଟି ହମ୍ପ୍ସ
ଅନେକ ସମୟରେ ଦୁର୍ଘଟଣାମାନ ଘଟିବା ସହ ଚୋରି ରାହାଯାନି ଭଳି ଅନେକ ଅସାମାଜିକ କାର୍ଯ୍ୟ ହେଉଥିବା ଅଭିଯୋଗ
ରାଜସୁନାଖଳା : ରାସ୍ତାରେ ଦ୍ରୁତ ଗତିରେ ଯାଉଥିବା ଯାନବାହାନଗୁଡ଼ିକୁ ନିୟନ୍ତ୍ରଣ କରିବା ପାଇଁ କେଉଁ ସ୍ଥାନରେ, କେତୋଟି, କେତେ ଉଚ୍ଚତା ବିଶିଷ୍ଟ ହମ୍ପ୍ସ ନିର୍ମାଣ କରାଯିବ ପ୍ରଶାସନ ନିଷ୍ପତ୍ତି ନେଇଥାଏ। କିନ୍ତୁ ମନ୍ଦ ଉଦ୍ଦେଶ୍ୟରେ ଷ୍ଟପେଜ୍ ନଥିବା ସ୍ଥାନରେ ଯାତ୍ରୀବାହୀ ଗାଡ଼ିକୁ ଅଟକାଇବା ଓ ଗାଡ଼ିରୁ ଚାନ୍ଦା ଆଦାୟ କରିବା ପାଇଁ ଲୋକମାନେ ମନ ଇଚ୍ଛା ଛକଗୁଡ଼ିକରେ ହମ୍ପ୍ସ ନିର୍ମାଣ କରିଛନ୍ତି। ଯାହା ଫଳରେ ଅନେକ ସମୟରେ ଦୁର୍ଘଟଣାମାନ ଘଟିବା ସହ ଚୋରି ରାହାଯାନି ଭଳି ଅନେକ ଅସାମାଜିକ କାର୍ଯ୍ୟ ହେଉଥିବା ଅଭିଯୋଗ ହେଉଛି।
Sambad is now on WhatsApp
Join and get latest news updates delivered to you via WhatsApp
ରଣପୁର-ରାଜସୁନାଖଳାର ୧୩ କି.ମି ରାସ୍ତା ମଧ୍ୟରେ ୨୩ଟି ହମ୍ପ୍ସ ରହିଛି, ତାହା ପୁଣି କଂକ୍ରିଟ୍ ଓ ପିଚୁରେ ସ୍ଥାୟୀ ଭାବେ ନିର୍ମାଣ କରାଯାଇଛି। ଅପରପକ୍ଷରେ କୌଣସି ଗୁରୁତର ରୋଗୀ ଯିବା ଆସିବା ଓ ନିଆଁଲିଭା ଗାଡ଼ି ଯିବାଆସିବା ପାଇଁ ଅଯଥାରେ ଅଧିକ ସମୟ ଲାଗୁଥିବା ଦେଖିବାକୁ ମିଳିଛି। ନୟାଗଡ଼ ଜିଲ୍ଲାପାଳ ଓ ରାଜ୍ୟ ରାଜପଥ ପ୍ରାଧୀକରଣ ଅଧିକାରୀ ଏଥିପ୍ରତି ଦୃଷ୍ଟି ଦେବାକୁ ସାଧାରଣରେ ଦାବି ହୋଇଛି।