ଉତ୍ତରାଖଣ୍ଡରେ ଫସି ରହିଛନ୍ତି କେନ୍ଦ୍ରାପଡ଼ା ନବୋଦୟ ବିଦ୍ୟାଳୟ ୨୪ ଛାତ୍ରଛାତ୍ରୀ, ଘରକୁ ଫେରାଇ ଆଣିବା ପାଇଁ ସରକାରଙ୍କୁ ନିବେଦନ
ଭୁବନେଶ୍ବର: କେନ୍ଦ୍ରାପଡା ଜବାହାର ନବୋଦୟ ସ୍କୁଲର ୨୪ ଜଣ ନବମ ଶ୍ରେଣୀ ଛାତ୍ର ଉତ୍ତରାଖଣ୍ଡରେ ଫସିଯାଇଛନ୍ତି । ଘରକୁ ଫେରାଇ ଆଣିବାକୁ ନିବେଦନ କରିଛନ୍ତି ଏହି ଛାତ୍ର । କେନ୍ଦ୍ରାପଡା ଜବାହର ନବୋଦୟ ସ୍କୁଲର ଏହି ଛାତ୍ର ମାଇଗ୍ରେସନରେ ଉତ୍ତରାଖଣ୍ଡ ଗୁପ୍ତକାଶିରେ ଥିବା ନବୋଦ୍ୱୟ ସ୍କୁଲକୁ ପଢିବାକୁ ଯାଇଥିଲେ । ପରୀକ୍ଷା ସରିଥିବାରୁ ଗତ ୨୪ ତାରିଖରେ ସେମାନେ ଓଡିଶା ଫେରିଥାନ୍ତେ । କିନ୍ତୁ ତାଲାବନ୍ଦ ଯୋଗୁଁ ସେମାନେ ଫସିଯାଇଛନ୍ତି । କୋଟାରେ ଫସିଥିବା ଛାତ୍ରଙ୍କ ଭଳି ସେମାନଙ୍କୁ ବି ଫେରାଇ ଆଣିବାକୁ ସରକାରଙ୍କୁ ନିବେଦନ କରିଛନ୍ତି ଛାତ୍ରଛାତ୍ରୀ।
Sambad is now on WhatsApp
Join and get latest news updates delivered to you via WhatsApp
ସେପଟେ ସୁରଟରୁ ଆଉ ୨ଟି ବସରେ ପ୍ରବାସୀ ଓଡ଼ିଆ ଫେରୁଛନ୍ତି । ଶ୍ରମିକମାନେ ନିଜ ଉଦ୍ୟମରେ ବସ୍ ଭଡା କରି ଆସୁଛନ୍ତି । ଏବେ ସେମାନେ ସୁରଟରୁ ବାହାରୁଛନ୍ତି । ଗତକାଲି ଗଞ୍ଜାମ ଜିଲ୍ଲାକୁ ସୁରଟରୁ ଫେରିଥିବା ପ୍ରବାସୀ ଓଡ଼ିଆ ଶ୍ରମିକ ନିଜ ନିଜ ଗାଁରେ ପହଂଚିବା ପରେ ସମସ୍ତଙ୍କୁ କ୍ୱାରେନଟିନରେ ରଖାଯାଇଛି । ସୁରଟରୁ ୨୨୮ ପ୍ରବାସୀ ଓଡିଆଙ୍କୁ ନେଇ ଆସିଥିବା ୪ଟି ବସ୍ ଗତକାଲି ରାତିରେ ଜିଲ୍ଲାରେ ପହଞ୍ଚି ଥିଲା । ପୂର୍ବ ନିଷ୍ପତ୍ତି ଅନୁସାରେ ୨ଟି ବସ୍ ଶେରଗଡରେ ଅନ୍ୟ ୨ଟି ବସ୍ ଧରାକୋଟ୍ ରେ ପହଞ୍ଚିବା ପରେ ସମସ୍ତ ବସ୍ ମେଡିକାଲ ଯାଞ୍ଚ ସ୍ଥଳକୁ ଅଣାଯାଇଥିଲା ।
ଧରାକୋଟରେ ୧୧୪ ଜଣ ଓ ଶେରଗଡରେ ୧୧୪ ଜଣ ଆଦର୍ଶ ବିଦ୍ୟାଳୟ ପରିସରରେ ସଂଗରୋଧରେ ରହିଛନ୍ତି । ସମସ୍ତଙ୍କୁ ଏଠାରେ ୧୪ ଦିନ ପାଇଁ ସଂଗରୋଧରେ ରଖାଯିବ । କ୍ୱାରେଂଟାଇନ୍ ସ୍ଥଳରେ କଡା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଇଛି । ଏଠାରେ ପ୍ରବାସୀ ଓଡିଆଙ୍କ ରହିବା ଖାଇବା ଠାରୁ ନେଇ ସମସ୍ତ ବ୍ୟବସ୍ଥା ସରକାରଙ୍କ ନିୟମ ମୁତାବକ କରାଯାଇଛି । ଶେରଗଡ ଆଦର୍ଶ ବିଦ୍ୟାଳୟରେ ୨୫ଟି କୋଠରୀରେ ୧୧୪ ଜଣଙ୍କ ରହିବା ପାଇଁ ବ୍ୟବସ୍ଥା ହୋଇଛି । ୬ ଜଣ ମହିଳାଙ୍କ ପାଇଁ ଅଲଗା କୋଠରୀ ବ୍ୟବସ୍ଥା କରାଯାଇଛି । ଧରାକୋଟ ବ୍ଲକ ଆଦର୍ଶ ବିଦ୍ୟାଳୟରେ ୧୦୦ ଶଯ୍ୟା ବିଶିଷ୍ଟ ଛାତ୍ର ନିବାସରେ ସୁରତଫେରନ୍ତା ୧୧୪ ପ୍ରବାସୀ ଓଡିଆଙ୍କୁ ରଖା ଯାଇଛି ।