ନବରଙ୍ଗପୁର: ନବରଙ୍ଗପୁର ପୁଲିସ ଏକ ଘରୋଇ ବସ (ଓଡି୦୭ ଭି ୮୮୨୨) ରୁ ତିନିଜଣ ମହିଳାଙ୍କ ଠାରୁ ୨୫ କେଜି ଗଞ୍ଜେଇ ଜବତ କରିଛି। ଗିରଫ ମହିଳାମାନେ ହେଲେ ବିନତୀ ହରିଜନ(୫୨), ରୀତା ହରିଜନ(୩୫) ଓ ଭଗବତୀ ହରିଜନ(୪୦)। ସମସ୍ତଙ୍କ ଘର କୋଟପଡ଼ ପୌରାଞ୍ଚଳରେ ବୋଲି ଥାନା ପକ୍ଷରୁ ସୂଚନା ମିଳିଛି।
Sambad is now on WhatsApp
Join and get latest news updates delivered to you via WhatsApp
ବ୍ରହ୍ମପୁରରୁ ଇନ୍ଦ୍ରାବତୀ ଯାଉଥିବା ବସରେ ଅଭିଯୁକ୍ତ ମହିଳାମାନେ ବୋରିଗୁମ୍ମା ସନ୍ତୋଷୀ ମନ୍ଦିର ନିକଟରେ ବସକୁ ହାତ ଠାରି ଉମରକୋଟ ଯିବାପାଇଁ କହିଥିଲେ। ବସ ନବରଙ୍ଗପୁର ଯିବ ବୋଲି କହିବା ପରେ ନବରଙ୍ଗପୁର ପର୍ଯ୍ୟନ୍ତ ଯିବୁ ବୋଲି କହିଥିଲେ ।
ପୁଲିସ କୌଣସି ସୂତ୍ରରୁ ଖବର ପାଇ ସକାଳ ସାଢ଼େ ୬ଟାରେ ବସକୁ ଇନ୍ଦ୍ରାବତୀ ନଦୀ ନିକଟରେ ଥିବା ଯାଞ୍ଚ କେନ୍ଦ୍ର ପାଖରେ ଅଟକାଇ ତନଖି କରିଥିଲେ। ତିନି ମହିଳା ଅଭିଯୁକ୍ତଙ୍କ ସମେତ ଦୁଇଜଣ ଡ୍ରାଇଭର, ହେଲ୍ପର ଓ ଜଣେ କଣ୍ଡକ୍ଟରକୁ ମଧ୍ୟ ପୁଲିସ ଥାନାରେ ଅଟକ ରଖି ପଚରାଉଚରା କରିଛି।