ଗ୍ରାମାଞ୍ଚଳରେ ଟ୍ୟାଙ୍କର ପାଣି ପାଇଁ ୨୭୫ ଲକ୍ଷ ଖର୍ଚ୍ଚ
ଭୁବନେଶ୍ବର : ରାଜ୍ୟରେ ଜଳକ୍ଲିଷ୍ଟ ଗ୍ରାମାଞ୍ଚଳରେ ଗ୍ରାମ୍ୟ ଜଳଯୋଗାଣ ଓ ପରିମଳ ସଂସ୍ଥା ତରଫରୁ ଟ୍ୟାଙ୍କର ପାଣିର ବ୍ୟବସ୍ଥା କରାଯାଇଛି। ଗତ ୩ବର୍ଷରେ ଏଥିପାଇଁ ୨୭୫.୬୫ ଲକ୍ଷ ଟଙ୍କା ଖର୍ଚ୍ଚ ହୋଇଥିବା ସୂଚନା ଦେଇଛନ୍ତି ପଞ୍ଚାୟତିରାଜ ଓ ପାନୀୟ ଜଳ ମନ୍ତ୍ରୀ ପ୍ରଦୀପ କୁମାର ଅମାତ।
Sambad is now on WhatsApp
Join and get latest news updates delivered to you via WhatsApp
ବିଧାୟକ ସୌମ୍ୟରଂଜନ ପଟ୍ଟନାୟକଙ୍କ ଏକ ପ୍ରଶ୍ନର ଉତ୍ତରରେ ଶ୍ରୀ ଅମାତ କହିଛନ୍ତି, ୨୦୨୦-୨୧ରେ ୬୨ଟି ପଞ୍ଚାୟତ ପାଇଁ ୬୭.୮୭ଲକ୍ଷ ଖର୍ଚ୍ଚ ହୋଇଛି। ସେହିପରି ୨୦୨୧-୨୨ରେ ୬୭ଟି ଗ୍ରାମ ପଞ୍ଚାୟତ ପାଇଁ ୮୨.୦୪ଲକ୍ଷ, ୨୦୨୨-୨୩ରେ ୭୧ଟି ପଞ୍ଚାୟତ ପାଇଁ ୧୨୫.୭୪ଲକ୍ଷ ଟଙ୍କା ଖର୍ଚ୍ଚ କରାଯାଇଛି। ଟ୍ୟାଙ୍କର ପାଣି ଯୋଗାଣ ନାମରେ ମିଥ୍ୟା ବିଲ୍ କରାଯାଇଥିବା କୌଣସି ଅଭିଯୋଗ ସରକାରଙ୍କ ଦୃଷ୍ଟି ଗୋଚର ହୋଇନାହିଁ।