ଦୁର୍ଘଟଣାରେ ଗଲା ୩ ଜୀବନ
ସମ୍ବଲପୁର: ସମ୍ବଲପୁର ଅଇଁଠାପାଲି ଥାନା ପାଞ୍ଚଗୋଛିଆ ନିକଟରେ ବାଇକ୍ ଦୁର୍ଘଟଣାରେ ୩ ଜଣଙ୍କର ମୃତ୍ୟୁ ଘଟିଛି। ହୀରାକୁଦ କଦମପଡ଼ାର ପରମେଶ ପ୍ରସାଦ ରାଉତ ଓରଫ ପିଜୁସ ଓ ହଣ୍ଡାଲ୍କୋ କଲୋନିର ସନ୍ତୋଷ ନାଏକଙ୍କର ଘଟଣାସ୍ଥଳରେ ମୃତ୍ୟୁ ଘଟିଥିବା ବେଳେ ଅନ୍ୟଜଣଙ୍କର ବୁର୍ଲା ଭିମ୍ସାର୍ରେ ଚିକିତ୍ସାଧୀନ ଅବସ୍ଥାରେ ମୃତ୍ୟୁ ଘଟିଛି। ସୂଚନାନୁଯାୟୀ, ଶୁକ୍ରବାର ରାତି ୮ଟା ୩୦ ସମୟରେ ବରେଇପାଲିରୁ ଅଇଁଠାପାଲି ଆଡ଼କୁ ପିଜୁସ ଓ ସନ୍ତୋଷ ଏକ କେଟିଏମ୍ ବାଇକ୍(ଓଡି ୧୫ଟି ୯୦୮୭)ରେ ଆସୁଥିଲେ।
Sambad is now on WhatsApp
Join and get latest news updates delivered to you via WhatsApp
ପାଞ୍ଚଗୋଛିଆ ନିକଟରେ ରାସ୍ତା ଅତିକ୍ରମ କରୁଥିବା ଜଣେ ବ୍ୟକ୍ତିଙ୍କୁ ଦ୍ରୁତ ଗତିରେ ଧକ୍କା ଦେଇ ଉଭୟ ଛିଟିକି ପଡ଼ିଯାଇଥିଲେ। ଘଟଣାସ୍ଥଳରେ ପିଜୁସ ଓ ସନ୍ତୋଷଙ୍କର ମୃତ୍ୟୁ ଘଟିଥିବା ବେଳେ ଅନ୍ୟ ଜଣଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ବୁର୍ଲା ଭିମ୍ସାରକୁ ନିଆଯାଇଥିଲା। ସେଠାରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ଘଟିଥିଲା। ପୁଲିସ ଉକ୍ତ ବାଇକ୍କୁ ଜବତ କରିଛି।