ଘଟଗାଁ/ଢେଙ୍କିକୋଟ/ହରିଚନ୍ଦନପୁର : କେନ୍ଦୁଝର ଜିଲ୍ଲା ଘଟଗାଁ ବ୍ଲକ ଅନ୍ତର୍ଗତ ରୁଟିଶିଳା ଓ ହରିଚନ୍ଦନପୁର ବ୍ଲକ ବ୍ରାହ୍ମଣୀପାଳ ରାସ୍ତାର ଘଣଘଣା ନାଳ ନିକଟରେ ଦୁଇଟି ପୃଥକ ଦୁର୍ଘଟଣାରେ ୩ ଜଣଙ୍କର ମୃତ୍ୟୁ ଘଟିଥିବା ବେଳେ ଜଣେ ଗୁରୁତର ଆହତ ହୋଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ବ୍ରାହ୍ମଣୀପାଳ ରାସ୍ତାର ଘଣଘଣା ନାଳ ନିକଟରେ ଆଜି ଅପରାହ୍ଣରେ ଏକ ବୋଲେରୋ ଧକ୍କାରେ ଜଣେ ଯୁବକଙ୍କ ମୃତ୍ୟୁ ଘଟିଛି। ମୃତକ ଜଣକ ହେଲେ ଝୁମ୍ପୁରା ବ୍ଲକ ଫକୀରପୁର ଗ୍ରାମର ଅତୁଲ ମହାନ୍ତ (୨୪)। ଅତୁଲ ସମ୍ପର୍କୀୟ ଭାଇ କ୍ଷେତ୍ରବାସୀ ମହାନ୍ତଙ୍କ ସହ ଭୁବନେଶ୍ବରରୁ ଏକ ନୂଆ ବାଇକ୍ କିଣି ସେଥିରେ ଘରକୁ ଫେରୁଥିବା ବେଳେ ଘଣଘଣା ନାଳ ନିକଟରେ ଏକ ଅଜଣା ବୋଲେରୋ ସେମାନଙ୍କୁ ଧକ୍କା ଦେଇ ଫେରାର୍ ହୋଇଯାଇଥିଲା। ଅତୁଲ ବାଇକ୍ରୁ ଛିଟିକି ପଡ଼ିବାରୁ ଘଟଣା ସ୍ଥଳରେ ତାଙ୍କର ମୃତ୍ୟୁ ଘଟିଥିଲା। କ୍ଷେତ୍ରବାସୀ ଗୁରୁତର ଆହତ ହୋଇଛନ୍ତି। ସେହିପରି ଚାନ୍ଦପଶି-ଦେଓବନ୍ଧ ରାସ୍ତାର ରୁଟିଶିଳା ନିକଟରେ ଏକ ଗଛରେ ପିଟି ହୋଇ ଦୁଇଜଣ ବାଇକ୍ ଆରୋହୀଙ୍କ ମୃତ୍ୟୁ ଘଟିଛି। ମୃତକମାନେ ହେଲେ ପଣ୍ଡାପଡ଼ା ଥାନା ଫୁଲଝର ଗ୍ରାମର ସୁଦନ ନାଏକ (୨୪) ଓ ବାପି ନାଏକ (୧୫)। ଉଭୟ ବାଇକ୍ରେ ଯାଉଥିବା ବେଳେ ଏକ ବୁଲାଣି ନିକଟରେ ଭାରସାମ୍ୟ ହରାଇ ଗଛରେ ପିଟି ହୋଇଥିଲେ।