ଚାନ୍ଦବାଲି : ବାହାରିନ୍ର କ୍ରାଉନ୍ ଇଲେକ୍ଟ୍ରୋ ମେକାନିକ୍ କମ୍ପାନିରେ କାମ କରୁଥିବା ୩ ଭାରତୀୟ ଯୁବକଙ୍କର ଆଜି ସକାଳେ ମୃତ୍ୟୁ ହୋଇଛି। ୩୫ ଫୁଟ୍ ମାଟି ତଳେ ପ୍ଲମି˚ କାମ କରୁଥିବା ବେଳେ ଭିତରେ ଅଣନିଃଶ୍ବାସୀ ହୋଇ ୩ ଜଣଙ୍କର ମୃତ୍ୟୁ ହୋଇଥିବା କୁହାଯାଉଛି। ୩ ମୃତ ଭାରତୀୟ ଯୁବକଙ୍କ ମଧ୍ୟରେ ଅଛନ୍ତି ଭଦ୍ରକ ଜିଲ୍ଲା ଚାନ୍ଦବାଲି ଏନ୍ଏସି ଅନ୍ତର୍ଗତ କିସ୍ମତ ଗାଁର ବସନ୍ତ କୁମାର ସାହୁଙ୍କ ସାନପୁଅ ଦେବାଶିଷ ସାହୁ (୩୦)।
Sambad is now on WhatsApp
Join and get latest news updates delivered to you via WhatsApp
କିସ୍ମତ ଗାଁର ଦେବାଶିଷ ଭୁବନେଶ୍ବରର ଏକ ଠିକା ସଂସ୍ଥା ସହଯୋଗରେ ୨୦୧୫ ମସିହା ଫେବ୍ରୁଆରି ମାସରେ ବାହାରିନ୍କୁ ଯାଇ ସେଠାରେ କ୍ରାଉନ୍ ଇଲେକ୍ଟ୍ରା ମେକାନିକ୍ କମ୍ପାନିରେ ଫିଟର ଭାବେ କାମ କରୁଥିଲେ। ଆଜି ଦେବାଶିଷଙ୍କ ସହ ଅନ୍ୟ ଦୁଇ ଜଣ ଯୁବକ ଭୋର ସମୟରେ ଅକ୍ସିଜେନ୍ ନେଇ ୩୫ ଫୁଟ୍ ଗଭୀର ମାଟି ତଳେ କାମ କରିବାକୁ ଯାଇଥିବା ବେଳେ ଅଣନିଃଶ୍ବାସୀ ହୋଇ ପ୍ରାଣ ହରାଇଥିଲେ। ସକାଳେ ବାହାରିନରୁ ଦେବାଶିଷଙ୍କ ମୃତ୍ୟୁ ଖବର ଆସିବା ପରେ ତାଙ୍କ ପରିବାରରେ କାନ୍ଦବୋବାଳି ପଡ଼ିଛି। ଦେବାଶିଷ ୬ ବର୍ଷ ହେଲା ବିଦେଶରେ ରହିଥିବା ବେଳେ ୨୦୨୧ରେ ଘରକୁ ଆସିବେ ବୋଲି ଜଣାଇଥିଲେ। ଦେବାଶିଷଙ୍କ ସହ ପ୍ରାଣ ହରାଇଥିବା ଅନ୍ୟ ଦୁଇ ଭାରତୀୟ ଯୁବକ ବିହାର ଅଞ୍ଚଳର ବୋଲି ଜଣାପଡ଼ିଛି।