ସିଂହପୁର: ବିଂଝାରପୁର ବ୍ଲକ ଚନ୍ଦ୍ରମୁଁ ପଞ୍ଚାୟତ ବଡ଼ମଲ୍ଲିପୁର ଗ୍ରାମରେ ଅଗ୍ନିକାଣ୍ତ ଘଟି ଶତ୍ରୁଘ୍ନ ମଲିକ, ଘନ ମଲିକ ଓ ଲକ୍ଷ୍ମୀଧର ମଲିକଙ୍କ ତିନିବଖରା ଘର ପୋଡ଼ି ପାଉଁଶ ହୋଇଯାଇଛି। ଘରେ ଥିବା ସମସ୍ତ ଆସବାବ ଓ ସୁନାରୁପା, କାଗଜପତ୍ର ପୋଡ଼ିଯାଇଛି। ଏଥିରେ ପ୍ରାୟ ୫ ଲକ୍ଷ ଟଙ୍କାର କ୍ଷୟକ୍ଷତି ହୋଇଥିବା ଆକଳନ କରାଯାଇଛି।
Sambad is now on WhatsApp
Join and get latest news updates delivered to you via WhatsApp
ଅଗ୍ନିକାଣ୍ତ ଯୋଗୁ ପରିବାର ଲୋକେ ବେସାହାରା ହୋଇ ପାଲ ଟାଣି ରହିଛନ୍ତି। ଏହି ଦୁଃଖଦ ଖବର ପାଇ ବିଂଝାରପୁର ପଞ୍ଚାୟତ ସମିତି ଅଧ୍ୟକ୍ଷା ରଂଜିତା କୁମାରୀ ଦାସ ଓ ତାଙ୍କ ସ୍ବାମୀ କୈଳାସ ସେଠୀ ବିପନ୍ନଙ୍କ ନିକଟରେ ପହଞ୍ଚି ଆର୍ଥିକ ସହାୟତା ପ୍ରଦାନ କରିଛନ୍ତି। ତୁରନ୍ତ ସରକାରୀ ସହାୟତା ଯୋଗାଇଦେବାକୁ ବ୍ଲକ ଓ ତହସିଲ ପ୍ରଶାସନକୁ କହିଥିବା ଜଣାପଡ଼ିଛି।