କଳାପୋଖରୀରେ ଜଳିଗଲା ୩ ବଖରା

ତେଲକୋଇ: କେନ୍ଦୁଝର ଜିଲ୍ଲା ତେଲକୋଇ ବ୍ଲକ୍‌ ସଲେଇକେନା ପଞ୍ଚାୟତ କଳାପୋଖରୀ ଗ୍ରାମରେ ଗତକାଲି ନିଆଁ ଲାଗି ସଞ୍ଜୟ କିସାନଙ୍କ ୩ ବଖରା ଘର ପୋଡ଼ିଯିବା ସହ ୪ଟି ଛେଳି ଜୀବନ୍ତ ଦଗ୍ଧ ହୋଇଯାଇଛନ୍ତି। ଆସବାବପତ୍ର, ୭ ହଜାର ଟଙ୍କା ଓ ୧୦ କୁଇଣ୍ଟାଲ ଧାନ ମଧ୍ୟ ପୋଡ଼ି ପାଉଁଶ ହୋଇଯାଇଛି।

ସ୍ଥାନୀୟ ଲୋକଙ୍କ ଉଦ୍ୟମରେ ବହୁ କଷ୍ଟରେ ଗୁହାଳରେ ଥିବା ବଳଦଙ୍କୁ ଉଦ୍ଧାର କରାଯାଇଛି। ଅଗ୍ନିକାଣ୍ଡର କାରଣ ଜଣାପଡ଼ି ନାହିଁ। ବିପନ୍ନ ପରିବାରକୁ ସରକାରୀ ସହାୟତା ଯୋଗାଇ ଦେବାକୁ ଗ୍ରାମବାସୀ ଦାବି କରିଛନ୍ତି।