ତିନି ରାଜପଥ ଲୁଟେରା ଗିରଫ
ଖୋର୍ଦ୍ଧା: ତିନି ଦିନ ପୂର୍ବେ ୧୬ ନମ୍ବର ଜାତୀୟ ରାଜପଥରେ ଘଟିଥିବା ଏକ ଲୁଟ ମାମଲାରେ ଆଜି ସଦର ଥାନା ପୁଲିସ ତିନି ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି ।
Sambad is now on WhatsApp
Join and get latest news updates delivered to you via WhatsApp
ସଦର ଥାନା ଅଧିକାରୀ ବିଦିତା ନାୟକଙ୍କ ସୂଚନାନୁସାରେ, ୧୭ ତାରିଖ ବିଳମ୍ବିତ ରାତିରେ ୧୬ ନମ୍ବର ଜାତୀୟ ରାଜପଥ କଡ଼ରେ ଥିବା ପଣ୍ଡିତ ଢାବା ଠାରେ ଗାଡ଼ି ରଖି ଏକ ଟ୍ରକର ଚାଳକ ଓ ସହାୟକ ଖାଉଥିଲେ । ଏହି ସମୟରେ ସେଠାରେ ଏକ ମୋଟର ସାଇକଲରେ ତିନିଜଣ ଯୁବକ ଆସି ଟଙ୍କା ମାଗିଲେ । ଟ୍ରକ ଚାଳକ ମନା କରିବାରୁ ସେମାନେ ଲୁହାଛଡ଼, ଠେଙ୍ଗା ଆଦିରେ ଚାଳକ ଓ ସହାୟକଙ୍କୁ ଆକ୍ରମଣ କରି ୨ଟି ମୋବାଇଲ୍, ୫ ହଜାର ଟଙ୍କା ଛଡ଼ାଇ ନେଇଯାଇଥିଲେ ।
ଏନେଇ ଲିଖିତ ଅଭିଯୋଗ ହେବା ପରେ ୧୫୪/୨୦୨୨ରେ ଏକ ମାମଲା ରୁଜୁ କରି ପୁଲିସ ଅନୁସନ୍ଧାନ ଚଳାଇଥିଲା । ଆଜି ଜଙ୍କିଆର ସୁଶାନ୍ତ ପ୍ରଧାନ, ଜଟଣୀର ଆଦିତ୍ୟ ସାହୁ, ନରଣଗଡ଼ର ସତ୍ୟ ରଂଜନ ଦାସଙ୍କୁ ଗିରଫ କରି କୋର୍ଟ ଚାଲାଣ କରିଛି । ସେମାନଙ୍କ ନିକଟରୁ ଲୁଟରେ ବ୍ୟବହୃତ ମୋଟରସାଇକଲ, ଲୁହାଛଡ଼, ଠେଙ୍ଗା, ଛୁରୀ ଆଦି ମାରଣାସ୍ତ୍ର ଜବତ କରାଯାଇଛି ।