ଆସାମ ଅଶାନ୍ତି ଯୋଗୁଁ ରେଳ ବିଭାଗ ପକ୍ଷରୁ ୩ଟି ଟ୍ରେନ୍ ବାତିଲ୍
ଭୁବନେଶ୍ୱର : ଉତ୍ତରପୂର୍ବ ରେଳପଥର ତିନସୁକିଆ ଓ ଲମଡିଙ୍ଗ ଡିଭିଜନ୍ରେ ବିଭିନ୍ନ ସଂଗଠନ ପକ୍ଷରୁ ‘ରୋଳରୋକୋ’ ଆନ୍ଦୋଳନ ଓ ଆସାମରେ ବର୍ତ୍ତମାନ ଦେଖା ଦେଇଥିବା ଆଇନଶୃଙ୍ଖଳା ପରିସ୍ଥିତି ପାଇଁ ରେଳ ବିଭାଗ ପକ୍ଷରୁ କିଛି ଟ୍ରେନ୍କୁ ସଂପୂର୍ଣ୍ଣ ଓ ଆଂଶିକ ବାତିଲ୍ କରି ଦିଆଯାଇଛି। ସେହିପରି କିଛି ଟ୍ରେନ୍ ଗନ୍ତବ୍ୟସ୍ଥଳରୁ ବିଳମ୍ବରେ ଛାଡ଼ିବା ପାଇଁ ନିଷ୍ପତ୍ତି ନିଆଯାଇଛି।
Sambad is now on WhatsApp
Join and get latest news updates delivered to you via WhatsApp
ବେଙ୍ଗାଲୁରୁ କ୍ୟାଣ୍ଟ- ଅଗରତାଲା ହମସଫର୍ ଏକ୍ସପ୍ରେସ୍ (ନଂ ୧୨୫୦୩)କୁ ୧୩ ତାରିଖ ପାଇଁ ସଂପୂର୍ଣ୍ଣ ବାତିଲ୍ କରି ଦିଆଯାଇଛି। ଦିବ୍ରୁଗଡ଼-କନ୍ୟାକୁମାରୀ ଏକ୍ସପ୍ରେସ୍ (ନଂ୧୫୯୦୬)କୁ ୧୪ ତାରିଖ ଓ କନ୍ୟାକୁମାରୀ ଦିବ୍ରୁଗଡ଼ ଏକ୍ସପ୍ରେସ୍ (ନଂ୧୫୯୦୫)କୁ ୧୯ ତାରିଖ ପାଇଁ ସଂପୂର୍ଣ୍ଣ ବାତିଲ୍ କରାଯାଇଛି। ସେହିପରି ଦିବ୍ରୁଗଡ଼-ତାମ୍ବ୍ରରମ୍ ଏକ୍ସପ୍ରେସ୍ (ନଂ୧୫୯୦୩) ଆସନ୍ତା ୧୬ ତାରିଖ ଦିନ ଦିବ୍ରୁଗଡ଼ ବଦଳରେ ଗୌହାଟୀରୁ ଯାତ୍ରାରମ୍ଭ କରିବ। ଅନ୍ୟପକ୍ଷରେ ପଶ୍ଚିମବଙ୍ଗର ହାୱଡ଼ା-ଖଡ଼ଗପୁର ସେକ୍ସନରେ ଚାଲିଥିବା ଆନ୍ଦୋଳନ ଯୋଗୁଁ ପୁରୀ-ହାୱଡ଼ା ଏକ୍ସପ୍ରେସ୍ (ନଂ୧୨୮୩୮), ପୁରୀ ସାନ୍ତ୍ରାଗାଚ୍ଛି ସ୍ବତନ୍ତ୍ର ଟ୍ରେନ୍ (ନଂ୦୮୪୦୩) ଓ ପୁରୀ-ହାୱଡ଼ା ଶ୍ରୀଜଗନ୍ନାଥ ଏକ୍ସପ୍ରେସ୍ ନିର୍ଧାରିତ ସମୟଠାରୁ ୩ ଘଣ୍ଟା ୧୫ ମିନିଟ୍ ବିଳମ୍ବରେ ପୁରୀରୁ ଯାତ୍ରାରମ୍ଭ କରିବ।