ବନ୍ଦ ଯୋଗୁଁ ଟ୍ରେନ୍ ଚଳାଚଳ ବାଧାପ୍ରାପ୍ତ, ୩ଟି ବାତିଲ୍
ଭୁବନେଶ୍ବର : ଭାରତ ବନ୍ଦ ଯୋଗୁଁ ଆଜି ୩ଟି ଟ୍ରେନ୍ ବାତିଲ ହୋଇଛି। ପୂର୍ବତଟ ରେଳପଥ ଦେଇ ଚଳାଚଳ କରୁଥିବା ପ୍ରାୟ ସମସ୍ତ ଟ୍ରେନ୍ ବିଳମ୍ବରେ ଚାଲିଥିଲା। ପରିସ୍ଥିତିକୁ ଦୃଷ୍ଟିରେ ରଖି କଟକ-ଭଦ୍ରକ ପାସେଞ୍ଜର, ଭୁବନେଶ୍ବର-ବ୍ରହ୍ମପୁର ପସେଞ୍ଜର ଓ ପାରାଦୀପ-କଟକ ପାସେଞ୍ଜରକୁ ବାତିଲ କରାଯାଇଥିଲା।
Sambad is now on WhatsApp
Join and get latest news updates delivered to you via WhatsApp
ବିଭିନ୍ନ ରେଳ ଷ୍ଟେସନରେ ଆନ୍ଦୋଳନକାରୀଙ୍କ ବିକ୍ଷୋଭ ଯୋଗୁଁ ତାଳଚେରରେ ସକାଳ ୬ଟାରୁ ଟ୍ରେନ୍ ଅଟକିଥିବା ବେଳେ ଭୁବନେଶ୍ବର, ବ୍ରହ୍ମପୁର, ଭଦ୍ରକ ଓ କେନ୍ଦୁଝରଗଡ଼ ଷ୍ଟେସନ୍ରେ ସକାଳ ୬ଟା ୩୦ରୁ ରେଳ ରୋକ ଆରମ୍ଭ ହୋଇଥିଲା। ସକାଳ ୬ଟାରେ ବ୍ରହ୍ମପୁର ଷ୍ଟେସନରେ ହାଓଡ଼ା-ଯଶୋବନ୍ତପୁର ଏକ୍ସପ୍ରେସ ଅଟକି ରହିଥିବା ବେଳେ ୬ଟା ୩୦ରେ ଭଦ୍ରକ-ବ୍ରହ୍ମପୁର ପାସେଞ୍ଜର ଭଦ୍ରକ ଷ୍ଟେସନରେ, କେନ୍ଦୁଝରଗଡ଼ରେ କେନ୍ଦୁଝରଗଡ଼-ଭୁବନେଶ୍ବର ପାସେଞ୍ଜର, ଭୁବନେଶ୍ବର ଷ୍ଟେସନରେ ଭୁବନେଶ୍ବର-ବଲାଙ୍ଗୀର ଇଣ୍ଟରସିଟି ଓ ପୁରୀ ରାଉରକେଲା ପାସେଞ୍ଜର, ବ୍ରହ୍ମପୁରରେ ଇଚ୍ଛାପୁର-କଟକ ମେମୋ ଅଟକି ରହିଥିଲା। ୱାଲଟିୟର୍ ଡିଭିଜନକୁ ରେଳ ଚଳାଚଳ ସ୍ବାଭାବିକ ଥିଲେ ମଧ୍ୟ କିଛି ଟ୍ରେନକୁ ରାସ୍ତାରେ ଅଟକ ରଖାଯାଇଥିଲା।