କଳାହାଣ୍ଡି ଜିଲ୍ଲାରେ ଆଜି ପୁଣି ୩୩ ଜଣ କରୋନା ପଜିଟିଭ ଚିହ୍ନଟ, ଆକ୍ରାନ୍ତଙ୍କ ସଂଖ୍ୟା ୨୨୧କୁ ବୃଦ୍ଧି
ଭବାନୀପାଟଣା : କଳାହାଣ୍ଡି ଜିଲ୍ଲାରେ ଆଜି ପୁଣି ୩୩ଜଣ କଣ୍ଟାକ୍ଟ ଟ୍ରେସିଂ ମାଧ୍ୟମରେ କରୋନା ପଜିଟିଭ ଚିହ୍ନଟ ହେବା ଘଟଣା ସାଧାରଣରେ ଚାଞ୍ଚଲ୍ୟ ଖେଳିଯାଇଛି ।
Sambad is now on WhatsApp
Join and get latest news updates delivered to you via WhatsApp
ପ୍ରାପ୍ତ ସୂଚନାରୁ ପ୍ରକାଶ ଯେ, କଳାହାଣ୍ଡି ଜିଲ୍ଲାର ଲାଞ୍ଜିଗଡ଼ ବେଦାନ୍ତ ଟାଉନସିପରେ ୧୩ ଜଣ, ଲାଞ୍ଜିଗଡ଼ ବ୍ଲକ ଛତ୍ରପୁର ପଞ୍ଚାୟତରେ ଜଣେ, ଭବାନୀପାଟଣାରେ ୬ ଜଣ, ନର୍ଲା କଣ୍ଟେନମେଣ୍ଟ ଜୋନରେ ୪ ଜଣ, ଭବାନୀପାଟଣା ସହରାଞ୍ଚଳ ସଙ୍ଗରୋଧ କେନ୍ଦ୍ରରେ ୨ ଜଣ କୋଭିଡ ଯୋଦ୍ଧା, ଭବାନୀପାଟଣାରେ ଜଣେ ପୁଲିସ କର୍ମଚାରୀ ଓ ଧର୍ମଗଡ଼ରେ ୩ ଜଣ ପୁଲିସ କର୍ମଚାରୀ, କେସିଙ୍ଗା ବ୍ଲକର ସଙ୍ଗରୋଧ କେନ୍ଦ୍ରରେ ୨ଜଣ ଓ ମଦନପୁର ରାମପୁର ଅଞ୍ଚଳରେ ଜଣେ କରୋନା ପଜିଟିଭ ଚିହ୍ନଟ ହୋଇଛିନ୍ତି। ସମସ୍ତଙ୍କୁ ଚିକିତ୍ସା ନିମନ୍ତେ ଭବାନୀପାଟଣା ସ୍ଥିତ କୋଭିଡ ହସ୍ପିଟାଲରେ ଭର୍ତ୍ତି କରାଯାଇଛି । ଆଜିର ଏହି ୩୩ଜଣଙ୍କୁ ମିଶାଇ କଳାହାଣ୍ଡି ଜିଲ୍ଲାରେ ଆକ୍ରାନ୍ତ ସଂଖ୍ୟା ୨୨୧କୁ ବୃଦ୍ଧି ହୋଇଛି । ଆଜି ଧର୍ମଗଡ଼ ଏନଏସିକୁ ପ୍ରଶାସନ ପକ୍ଷରୁ ୧୨ ଘଣ୍ଟିଆ ସଟଡ଼ାଉନ ଘୋଷଣା କରି ସ୍କ୍ରିନିଂ ଓ ଟେଷ୍ଟିଂ କରାଯାଇଥିଲା ।