ଭୁବନେଶ୍ୱର: ରାଜ୍ୟର ବିଭିନ୍ନ ସ୍ଥାନରେ ୩୫ଟି କୋଭିଡ ହସ୍ପିଟାଲ ନିର୍ମାଣ ହେବ । ରାଜ୍ୟ ସରକାର ଏଥି ପାଇଁ ପ୍ରକ୍ରିୟାକୁ ତ୍ୱରାନ୍ୱିତ କରି ଦେଇଛନ୍ତି । ଏପର୍ଯ୍ୟନ୍ତ ୨୦ଟି କୋଭିଡ ହସ୍ପିଟାଲ କାର୍ଯ୍ୟକ୍ଷମ ହୋଇ ସାରିଥିବା ବେଳେ ଏପ୍ରିଲ ୨୦ ସୁଦ୍ଧା ବାକି କୋଭିଡ ହସ୍ପିଟାଲ କାମ କରିବ । ରାଜ୍ୟ କେଭିଡ ମୁଖ୍ୟ ସୁବ୍ରତ ବାଗଚୀ ଆଜି ଏହି ସୂଚନା ଦେଇଛନ୍ତି । ଗୀତଗୋବିନ୍ଦ ସଦନରେ ଅନୁଷ୍ଠିତ ସାମ୍ବାଦିକ ସମ୍ମିଳନୀରେ ଶ୍ରୀ ବାଗଚୀ କହିଛନ୍ତି, କରୋନା ମୁକାବିଲା ନେଇ ରାଜ୍ୟ ସରକାର ଅନେକ ଗୁଡ଼ିକ ପଦକ୍ଷେପ ହାତକୁ ନେଇଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଏପର୍ଯ୍ୟନ୍ତ ରାଉରକେଲା, ଦେବଗଡ଼, ଢେଙ୍କାନାଳ, ବଲାଙ୍ଗୀର, କଳାହାଣ୍ଡି, ରାୟଗଡ଼ା, କେନ୍ଦୁଝର ଜିଲ୍ଲାର ଯୋଡ଼ା, ବାଲେଶ୍ୱର, ଭଦ୍ରକ, ଯାଜପୁର, କେନ୍ଦ୍ରାପଡ଼ା, କଟକ, ଭୁବନେଶ୍ୱରରେ ୨ଟି (କିମ୍ସ ଓ ସମ ହସ୍ପିଟାଲ), ପୁରୀ, ବ୍ରହ୍ମପୁର, ଗଜପତି, ଜୟପୁର ଓ ମାଲକାନଗିରିରେ କୋଭିଡ ହସ୍ପିଟାଲ କାର୍ଯ୍ୟକ୍ଷମ ହୋଇପାରିଛି ।
As of today, the following #COVID19 Hospitals are operating across #Odisha & providing diagnosis & treatment for suspected & positive #coronavirus patients. #OdishaFightsCorona pic.twitter.com/azcIhayp2t
— H & FW Dept Odisha (@HFWOdisha) April 14, 2020
ଆଗାମୀ ୨୦ ତାରିଖ ସୁଦ୍ଧା ସୁନ୍ଦରଗଡ଼, ଝାରସୁଗୁଡ଼ା, ସମ୍ବଲପୁର, ବାରିପଦା, କଟକ ଜିଲ୍ଲାର ବାଙ୍କୀ, ବରଗଡ଼, ସୋନପୁର, ଅନୁଗୁଳ, ପାରାଦୀପ, ନୂଆପଡ଼ା, ନବରଙ୍ଗପୁର, ପୁରୀ, ନୟାଗଡ଼ ଓ ଫୁଲବାଣୀରେ କୋଭିଡ ହସ୍ପିଟାଲ କାର୍ଯ୍ୟକ୍ଷମ ହୋଇଯିବ ।
To provide faster tests, diagnosis & treatment for suspected and positive #coronavirus patients, the following #COVID19 Hospitals will be operational in #Odisha by 20th April. #OdishaFightsCorona pic.twitter.com/Lxn9zjNc38
— H & FW Dept Odisha (@HFWOdisha) April 14, 2020
ଶ୍ରୀ ବାଗଚୀ କହିଛନ୍ତି ଓଡ଼ିଶାର କୋଭିଡ-୧୯ ପ୍ରସ୍ତୁତି ପାଇଁ ଅନ୍ତର୍ଜାତୀୟସ୍ତରରେ ସ୍ୱୀକୃତି ଓ ସାଧୁବାଦ ମିଳୁଛି । ରାଜ୍ୟ ସରକାର କରୋନା ମୁକାବିଲା ଜାରି ରଖିଛନ୍ତି । ଆମ ରାଜ୍ୟ କୃଷି ବହୁଳ । ଚାଷୀ ହସିଲେ ଦେଶ ହସିବ ବୋଲି ଶ୍ରୀ ବାଗଚୀ କହିଛନ୍ତି । ସେ କହିଛନ୍ତି, କରୋନା ଧୀରେ ଧୀରେ ସମଗ୍ର ବିଶ୍ୱରେ କାୟା ବିସ୍ତାର କରୁଛି । ମାସକ ତଳରେ ସମଗ୍ର ବିଶ୍ୱରେ ପୃଥିବୀରେ ୧୫୩ଟି ଦେଶରେ କରୋନା ପହଞ୍ଚିଥିବା ବେଳେ ଆଜି ସୁଦ୍ଧା ୨୧୦ଟି ଦେଶ ଓ ୨ଟି ଜାହାଜରେ କରୋନା ପହଞ୍ଚିଛି । ସେହିଭଳି ମାସକ ତଳେ ୧ ଲକ୍ଷ ୫୭ ୧୧୨ ଜଣ ଚିହ୍ନଟ ହୋଇଥିବା ବେଳେ ଆଜି ପର୍ଯ୍ୟନ୍ତ୧୯ ଲକ୍ଷ ୩୦ ହଜାର ୨୭୫ ଜଣ କରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି ।