ରାଜ୍ୟରେ କରୋନା ରୋଗୀଙ୍କ ମାଗଣା ଚିକିତ୍ସା ପାଇଁ ଖର୍ଚ୍ଚ ହୋଇଛି ୩୮୯ କୋଟି ଟଙ୍କା
ଭୁବନେଶ୍ଵର: ରାଜ୍ୟରେ ଥିବା କରୋନା ସଂକ୍ରମିତଙ୍କ ମାଗଣା ଚିକିତ୍ସା ପାଇଁ ରାଜ୍ୟ ସରକାର ଖର୍ଚ୍ଚ କରିଛନ୍ତି ୩୮୯ କୋଟି ଟଙ୍କା | ବିଧାନସଭାରେ ଖଣ୍ଡପଡ଼ା ବିଧାୟକ ସୌମ୍ୟରଞ୍ଜନ ପଟ୍ଟନାୟକଙ୍କ ପ୍ରଶ୍ନରେ ଏହି ଉତ୍ତର ରଖିଛନ୍ତି ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ନବ କିଶୋର ଦାସ | ସ୍ୱାସ୍ଥ୍ୟ ମନ୍ତ୍ରୀଙ୍କ ସୂଚନା ମୁତାବକ ରାଜ୍ୟରେ କରୋନା ରୋଗୀଙ୍କ ଚିକିତ୍ସା ପାଇଁ ସମୁଦାୟ ୩୮୯ କୋଟି ୫୯ ଲକ୍ଷ ୬୬ ହଜାର ୪୬୬ ଟଙ୍କା ଖର୍ଚ୍ଚ ହୋଇଛି |
Sambad is now on WhatsApp
Join and get latest news updates delivered to you via WhatsApp
୪୭ ହଜାର ୦୫୫ ରୋଗୀଙ୍କ ଚିକିତ୍ସା ପାଇଁ ଏହି ଟଙ୍କା ଖର୍ଚ୍ଚ ହୋଇଥିବାବେଳେ ସର୍ବାଧିକ ଟଙ୍କା ଭୁବନେଶ୍ବରର (୫୮ କୋଟି ୫୯ ଲକ୍ଷ) ଆଇଏମଏସ୍ ଆଣ୍ଡ ସମ ହସ୍ପିଟାଲକୁ ଦିଆଯାଇଛି |
ସେହିପରି କଟକର ଅଶ୍ୱିନୀ ହସ୍ପିଟାଲକୁ ୩୨ କୋଟି ୪୫ ଲକ୍ଷ ଟଙ୍କା, ଭୁବନେଶ୍ବରର ହାଇଟେକ ମେଡିକାଲ କଲେଜ ଓ ହସ୍ପିଟାଲକୁ ୩୪ କୋଟି ୩୯ ଲକ୍ଷ ଟଙ୍କା, ଭୁବନେଶ୍ବର କିମ୍ସକୁ ୪୪ କୋଟି, ରାଉରକେଲା ଶାନ୍ତି ହସ୍ପିଟାଲକୁ ୩୦ କୋଟି ଦିଆଯାଇଛି । ଏହା ବାଦ ଅନ୍ୟ ମେଡିକାଲମାନଙ୍କୁ ବଳକା ଟଙ୍କା ଦିଆଯାଇଛି |