୪ ଚୋରା ହାତୀଦାନ୍ତ ଓ ବାଘ ଛାଲ ବ୍ୟବସାୟୀ ଗିରଫ
ଭବାନୀପାଟଣା: କଳାହାଣ୍ଡି ଜିଲ୍ଲା ଭବାନୀପାଟଣାରୁ ହାତୀଦାନ୍ତ ଓ କଲରାପତରିଆ ବାଘ ବାଘ ଛାଲ ବ୍ୟବସାୟୀ ରାକେଟ ଠାବ କରିବାରେ ସଫଳ ହୋଇଛି ପୁଲିସ । ଭବାନୀପାଟଣାରୁ ଗ୍ୟାଙ୍ଗର ୪ ଜଣଙ୍କୁ କ୍ରାଇମ୍ ବ୍ରାଞ୍ଚ ଏସଟିଏଫ ଟିମ୍ ଗିରଫ କରିଥିବା ଜଣାଯାଇଛି । ସେମାନଙ୍କଠାରୁ ଗୋଟିଏ ମୂଲ୍ୟବାନ ହାତୀଦାନ୍ତ ଏବଂ ଗୋଟିଏ ବାଘ ଛାଲ ଜବତ କରାଯାଇଥିବା ଜଣାଯାଇଛି। ଗିରଫ ଲୋକଙ୍କୁ ଏସଟିଏଫ ଟିମ୍ ଭୁବନେଶ୍ୱର ଆଣୁଥିବା ଜଣାଯାଇଛି।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁଯାୟୀ ବେଶ କିଛିଦିନ ହେବ ରାଜ୍ୟ ତଥା ରାଜ୍ୟ ବାହାରକୁ ବିଭନ୍ନ ସମୟରେ ହାତୀଦାନ୍ତ ଓ ବାଘ ଛାଲର ଚୋରା ଚାଲାଣରେ ସକ୍ରିୟ ରହିଥିବା ଏକ ରାକେଟ ସଂପର୍କରେ କ୍ରାଇମ୍ ବ୍ରାଞ୍ଚ ଏସଟିଏଫ ଟିମକୁ ଖବର ମିଳିଥିଲା। ଏନେଇ ଆଜି ରାକେଟକୁ ଧରିବାଲାଗି କ୍ରାଇମବ୍ରାଞ୍ଚ ଟିମ ଗ୍ରାହକ ହୋଇ ସେଠାରେ ପହଞ୍ଚିଥିଲା । କ୍ରାଇମବ୍ରାଞ୍ଚ ଏସଟିଏଫ ଟିମ ଗ୍ରାହକ ହୋଇ ବାଘ ଛାଲ କିଣିବାକୁ ଚୋରା ବ୍ୟବସାୟୀଙ୍କ ପାଖେ ପହଞ୍ଚି ସେମାନଙ୍କୁ ଧରିଥିଲା। ଏହି ରାକେଟର ୪ଜଣ ଚୋରା ବ୍ୟବସାୟୀଙ୍କୁ ଗିରଫ କରିଥିଲା କ୍ରାଇମବ୍ରାଞ୍ଚ ଏସଟିଏଫ । ସେମାନଙ୍କୁ ପଚରାଉଚରା କରାଯାଇ ଅଧିକ ତଥ୍ୟ ହାସଲ କରାଯିବାର ମିଳିଛି।