କଟକର କ୍ୟାଣ୍ଟେନ୍ମେଣ୍ଟ ରୋଡରେ ଯାତ୍ରୀବାହୀ ଅଟୋକୁ ଧକ୍କା ଦେଲା କାର୍, ୪ ଆହତ, ଏସ୍ସିବି ମେଡିକାଲରେ ଭର୍ତ୍ତି
କଟକ : କଟକର କ୍ୟାଣ୍ଟେନମେଣ୍ଟ ରୋଡରେ ସଡ଼କ ଦୁର୍ଘଟଣା ଘଟି ୪ ଗୁରୁତର ଭାବେ ଆହତ। ଆହତ ଯାତ୍ରୀମାନଙ୍କୁ ଏସ୍ସିବି ମେଡିକାଲରେ ଭର୍ତ୍ତି କରାଯାଇଛି। ମିଳିଥିବା ସୂଚନା ଅନୁସାରେ ଆଜି ରାତିରେ କଟକର କ୍ୟାଣ୍ଟେନ୍ମେଣ୍ଟ ରିଙ୍ଗରୋଡରେ ଏକ ଯାତ୍ରୀବାହୀ ଅଟୋକୁ କାର ଧକ୍କା ଦେବାରୁ ଅଟୋ ଡ୍ରାଇଭର ସମେତ ୪ ଜଣ ଗୁରୁତର ଭାବେ ଆହତ ହୋଇଛନ୍ତି। ଆହତମାନଙ୍କୁ ଉଦ୍ଧାର କରାଯାଇ ଏସ୍ସିବି ବଡ଼ ମେଡିକାଲକୁ ସ୍ଥାନାନ୍ତରିତ କରାଯାଇଛି। ଓଆର୍୦୫ଏଏନ୍-୪୦୪୨ ନମ୍ବରର ଏହି କାରଟି ଦୁର୍ଘଟଣା ଘଟାଇବା ପରେ କାର୍ ଛାଡି ଫେରାର ହୋଇଯାଇଛନ୍ତି କାର୍ ଡ୍ରାଇଭର। ଖବର ପାଇ ସ୍ଥାନୀୟ ପୁଲିସ ଘଟଣାସ୍ଥଳରେ ପହଞ୍ଚି ଗାଡି ଦୁଇଟିକୁ ଜବତ କରିବା ସହ ଘଟଣାର ତଦନ୍ତ ଜାରି ରଖିଥିବା ଜଣାପଡିଛି।