୪ ବର୍ଷର ଝିଅକୁ ଦୁଷ୍କର୍ମ, ନାବାଳକ ଅଟକ

ବାରିପଦା: ବାରିପଦା ସହରର ଜଣେ ୪ ବର୍ଷର ଝିଅକୁ ଜଣେ ୧୪ ବର୍ଷର ନାବାଳକ ଦୁଷ୍କର୍ମ କରିଥିବା ନେଇ ଅଭିଯୋଗ ହୋଇଛି। ଏ ନେଇ ପୀଡ଼ିତାଙ୍କ ମା’ ଟାଉନ ଥାନାରେ ଅଭିଯୋଗ କରିବା ପରେ ପୁଲିସ ଅଭିଯୁକ୍ତ ନାବାଳକକୁ ଥାନାରେ ଅଟକ ରଖି ପଚରାଉଚୁରା କରୁଛି। ଗତ ୭ ତାରିଖରେ ଝିଅଟି ଗାଁ ଦାଣ୍ଡରେ ଖେଳୁଥିଲା ବେଳେ ନାବାଳକ ଜଣ ତାକୁ ଏକ ନିଛାଟିଆ ସ୍ଥାନକୁ ନେଇ ଦୁଷ୍କର୍ମ କରିଥିବା ଜଣାପଡ଼ିଛି। ଗୁରୁବାର ନାବାଳକକୁ ଜୁଭେଲାଇନ୍ କୋର୍ଟରେ ହାଜର କରାଯିବ ବୋଲି ଟାଉନ ଥାନାଧିକାରୀ ବୀରେନ୍ଦ୍ର କୁମାର ସେନାପତି କହିଛନ୍ତି।