ବାଲିଅନ୍ତା : ପୃଥକ ମାମଲାରେ ଜେଲ ଗଲେ ୪ ଯୁବକ
ବାଲିଅନ୍ତା : ବାଲିଅନ୍ତା ଥାନା ପୁଲିସ ଦୁଇଦିନ ମଧ୍ୟରେ ଘଟିଥିବା ଦୁଇ ପୃଥକ ଗଣ୍ଡଗୋଳ ମାମଲାରେ ୪ ଜଣ ଯୁବକଙ୍କୁ ଗିରଫ କରି କୋର୍ଟ ଚାଲାଣ କରିଛି । ତେବେ କୋର୍ଟରେ ଜାମିନ ନାମଂଜର ହୋଇଯିବାରୁ ସମସ୍ତଙ୍କୁ ଝାରପଡ଼ା ବିଚାର ବିଭାଗୀୟ ହାଜତକୁ ପଠାଇ ଦିଆଯାଇଥିବା ପୁଲିସ କହିଛି । ଗିରଫ ଅଭିଯୁକ୍ତମାନେ ହେଲେ ସ୍ଥାନୀୟ ବିଶରପୁର ଗ୍ରାମର ନିଶାଡ଼ି ଯୁବକ ନିରଞ୍ଜନ ଭଟ୍ଟ (୪୫) । ସେ ଉକ୍ତ ଗ୍ରାମର କାଶିନାଥ ବେହେରା ନାମକ ଜଣେ ବ୍ୟକ୍ତିଙ୍କୁ ଗତକାଲି ଅପରାହ୍ନରେ ଟାଙ୍ଗିଆରେ ଆକ୍ରମଣ କରିଥିଲେ । ଫଳରେ କାଶିନାଥଙ୍କ ହାତରେ ଗଭୀର ଆଘାତ ଲାଗିଥିଲା । କାଶିନାଥ ଏସଂପର୍କରେ ବାଲିଅନ୍ତା ଥାନାରେ ଅଭିଯୋଗ କରିଥିଲେ ।
Sambad is now on WhatsApp
Join and get latest news updates delivered to you via WhatsApp
ସେହିପରି ଏହାପୂର୍ବଦିନ ରାତି ସାଢ଼େ ନଅଟାରେ ସମୟରେ ସ୍ଥାନୀୟ ଚିଙ୍ଗୁଡ଼ିଆ ଛକରେ ଘଟିଥିବା ଆଉ ଏକ ଗଣ୍ଡଗୋଳ ମାମଲା ନଂ ୨୬୪/୨୦ ରେ ଗିରଫ ହୋଇ ଜେଲ ଯାଇଥିବା ଅଭିଯୁକ୍ତମାନେ ହେଲେ ପ୍ରଯୁକ୍ତ କୁମାର ସାହୁ (୩୮) , ବାବୁଲି ସାହୁ (୩୨) ଓ ପ୍ରଦୀପ୍ତ କୁମାର ସାହୁ (୩୬) ।