ମିଠା ଦୋକାନରେ କାମ କରୁଥିବା ୫ ଶିଶୁ ଶ୍ରମିକ ଉଦ୍ଧାର
ଆନନ୍ଦପୁର: କେନ୍ଦୁଝର ଜିଲ୍ଲା ଘସିପୁରା ଥାନା ଅଂଚଳରୁ ଗତକାଲି ୫ ଜଣ ଶିଶୁ ଶ୍ରମିକଙ୍କୁ ଉଦ୍ଧାର କରାଯାଇଥିବା ଜଣାଯାଇଛି । ଘସିପୁରାରେ ଥିବା ଏକ ମିଠା ଦୋକାନରେ ପୋଲିସ ଚଢ଼ାଉ କରି ଶିଶୁମାନଙ୍କୁ ଉଦ୍ଧାର କରିଛି ।
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁଯାୟୀ ଘସିପୁରା ଥାନାର ଅନତି ଦୂରରେ ଥିବା ବାବାଜି ସାହୁ ମିଠା ଦୋକାନରେ କାମ କରୁଥିଲେ ଏହି ଶିଶୁମାନେ । ସେମାନେ ଦୋକାନରେ କାମ କରୁଥିବା ବେଳେ ସେମାନଙ୍କ ଭିତରେ କୌଣସି କାରଣରୁ ବିବାଦ ଉପୁଜିଥିଲା। ସେମାନଙ୍କ ଭିତରୁ ଜଣେ ଶିଶୁ ଶ୍ରମିକ ଥାନାରେ ଯାଇ ଖବର ଦେଇଥିଲା।
ଏହାପରେ ଘଟଣାସ୍ଥଳରେ ପୁଲିସ ପହଞ୍ଚି ସଂପୃକ୍ତ ଦୋକାନରେ ଚଢ଼ାଉ କରିଥିଲା । ଦୋକାନରୁ ୫ ଜଣ ଶିଶୁଙ୍କୁ ଉଦ୍ଧାର କରିଥିଲା । ସମସ୍ତ ଉଦ୍ଧାର ଶିଶୁ କେନ୍ଦୁଝର ଜିଲ୍ଲା ବାଂଶପାଳ କଲଣ୍ଡା ଗ୍ରାମର ବୋଲି ଜଣାପଡ଼ିଛି । ସେମାନଙ୍କୁ ପୋଲିସ ଚାଇଲ୍ଡ ଲାଇନକୁ ହସ୍ତାନ୍ତର କରିଛି । ତେବେ ଏଯାଏଁ ଦୋକାନର ମାଲିକଙ୍କୁ ଗିରଫ କରାଯାଇ ନଥିବା କୁହାଯାଉଛି । ପୁଲିସ ଏହି ଘଟଣା ଅଧିକ ତଦନ୍ତ ଜାରି ରଖିଛି ।