ଜିଏସ୍ଟି ଠକେଇ: ବ୍ୟବସାୟୀଙ୍କଠାରୁ ୫ କୋଟି ୬୮ ଲକ୍ଷ ଜବତ
କଟକ : ରାଜ୍ୟ ସିଟି ଓ ଜିଏସ୍ଟିର ଏକ ସ୍ବତନ୍ତ୍ର ଟିମ୍ ଶୁକ୍ରବାର ଦିନ ଚଢ଼ଉ କରି ବୌଦ୍ଧ ଜିଲ୍ଲାର କିଛି କପଡ଼ା ବ୍ୟବସାୟୀଙ୍କଠାରୁ ୫ କୋଟି ୬୮ଲକ୍ଷ ଟଙ୍କା ଜବତ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ସୂଚନା ଅନୁଯାୟୀ, ବୌଦ୍ଧ ଜିଲ୍ଲାର କିଛି କପଡ଼ା ବ୍ୟବସାୟୀ ଟ୍ୟାକ୍ସ ଫାଙ୍କୁଥିବା ନେଇ ଅଭିଯୋଗ ହୋଇଥିଲା। ଅଭିଯୋଗ ପାଇବାପରେ ସିଟି ଓ ଜିଏସ୍ଟିର ଏକ ଟିମ୍ ଗୁପ୍ତ ଭାବେ ଏହାର ତଦନ୍ତ କରିଥିଲା। ଆଜି ବୌଦ୍ଧ ହସ୍ପିଟାଲ ରୋଡ୍ର ଏମ/ଏସ୍ ସିଂଘଲ ଓ ଏନ୍. ସିଂଘଲ, ପିଡବ୍ଲୁଡି ରୋଡର ବିନାୟକ ଟେକ୍ସଟାଇଲ୍ର ଗୋଦାମ ଓ ଘରେ ଚଢଉ କରାଯାଇଥିଲା। ଏଥିରେ ଜିଏସ୍ଟିର ୩ଟି ଟିମ୍ ସାମିଲ୍ ହୋଇ ଏକସମୟରେ ଚଢଉ କରିଥିଲେ। ସେମାନେ ସଂପୃକ୍ତ ବ୍ୟବସାୟୀଙ୍କ କିଣାବିକାର ହିସାବ, ଆକାଉଣ୍ଟ୍ ଓ ଷ୍ଟକ୍ ଅନୁଧ୍ୟାନ କରିଥିଲେ। କମ୍ପ୍ୟୁଟରରେ ଥିବା ଷ୍ଟକ୍ ଓ ବାସ୍ତବ ଷ୍ଟକ୍ ମଧ୍ୟରେ ଫରକ ଥିଲା। ସେମାନେ ବହୁତ୍ କମ ଟ୍ୟାକ୍ସ ଦେଉଥିବା ଜଣାପଡ଼ିଥିଲା। ଜିଏସ୍ଟି ଟିମ୍ ବିନାୟକ ଟେକ୍ସଟାଇଲ ପାଖରୁ ୫ କୋଟି ୬୮ଲକ୍ଷ ଟଙ୍କା ଜବତ କରିଥିଲେ। ଏଥିସହିତ ନିକଟ ଅତୀତରେ ଟ୍ୟାକ୍ସ ଫାଙ୍କୁଥିବା ଗୌରୀଶଙ୍କର ଷ୍ଟିଲ୍ ବରଗଡ଼ ପାଖରୁ ୪୮.୬୬ ଲକ୍ଷ ଟଙ୍କା ଓ ଓ ଏମ/ଏସ ତାରିଣୀ ବସ୍ତ୍ରାଳୟ, ଭୁବନେଶ୍ବରରୁ ୬୧ଲକ୍ଷ ଟଙ୍କା ଜରିମାନା ଆଦାୟ କରଯାଯାଇଥିବା ନେଇ ସିଟି ଓ ଜିଏସଟି ପକ୍ଷରୁ ସୂଚନା ଦିଆଯାଇଛି।