ତୋଲକୋଇରେ ଥମୁନି ହାତୀ ଉପଦ୍ରବ: ୫ ଘର ଭାଙ୍ଗିଲେ
ତେଲକୋଇ : କେନ୍ଦୁଝର ବନଖଣ୍ଡ ତେଲକୋଇ ରେଞ୍ଜରେ ବର୍ଷ ତମାମ ହାତୀ ଉପଦ୍ରବ ଥମିବାର ନାଁ ଧରୁନି। ହାତୀ ଆକ୍ରମଣରେ ଧନଜୀବନ ହାନି ଘଟୁଛି। ଗତକାଲି ବିମଳା ଫରେଷ୍ଟ ସେକ୍ସନ ଅନ୍ତର୍ଗତ ଶିରିଗିଡ଼ା ଓ ବିମଳା ଗ୍ରାମରେ ହାତୀପଲ ପଶି ବ୍ୟାପକ କ୍ଷୟକ୍ଷତି କରିଛନ୍ତି। ବିଳମ୍ବିତ ରାତିରେ ୯ ଟିକିଆ ହାତୀପଲ ଶିରିଗିଡା ଗ୍ରାମର ରୁଗୁଡିସାହିରେ ପଶି ୪ଟି ଓ ବିମଳା ଗ୍ରାମରେ ଗୋଟିଏ ପରିବାରର ଘର ଭାଙ୍ଗି ଧାନ ଚାଉଳ ଖାଇ ଦେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ଶିରିଗିଡା ଗ୍ରାମର ଡାକ୍ତର ନାୟକ, ଅକ୍ଷୟ ପେଣ୍ଠେଇ, ନରୋତ୍ତମ ପେଣ୍ଠେଇ, ଠୁରୁ ପେଣ୍ଠେଇ ଓ ବିମଳା ଗ୍ରାମର ଧ୍ୟାନ ନାୟକଙ୍କ ଘର ଭାଙ୍ଗି ଧାନ ଚାଉଳ ଖାଇ ଦେଇଛନ୍ତି। ବହୁ କଷ୍ଟରେ ଗ୍ରାମବାସୀ ମିଶି ହାତୀପଲକୁ ଘଉଡ଼ାଇବାରେ ସଫଳ ହୋଇଥିଲେ। ଖବର ପାଇ ବିମଳା ଫରେଷ୍ଟର କୌଶଲ୍ୟା ମହାନ୍ତ ଓ ବନ ବିଭାଗ କର୍ମଚାରୀ ଘଟଣାସ୍ଥଳରେ ପହଞ୍ଚି କ୍ଷୟକ୍ଷତି ଆକଳନ କରିଛନ୍ତି। ସକାଳେ ଶିରିଗିଡ଼ା ସରପଞ୍ଚ ମୋହନ ନାୟକ ପହଞ୍ଚି କ୍ଷତିଗ୍ରସ୍ତ ପରିବାରକୁ ତୁରନ୍ତ ସରକାରୀ ସହାୟତା ଯୋଗାଇ ଦେବାକୁ ଦାବି କରିଛନ୍ତି।