ଢେଙ୍କାନାଳ: ଗତରାତିରେ ଶିକାର ଅନେ୍ଵଷଣରେ ବୁଲୁଥିବା ୫ ଜଣ ଶିକାରୀଙ୍କୁ ବନ ବିଭାଗ କର୍ମଚାରୀମାନେ କପିଳାସ ସଂରକ୍ଷିତ ଜଙ୍ଗଲର ୭ ନମ୍ବର କମ୍ପାର୍ଟମେଣ୍ଟ୍ରୁ ଧରିବା ପରେ ଆଜି ଗିରଫ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ଗିରଫ ଶିକାରୀମାନେ ହେଉଛନ୍ତି ଗନ୍ଦିଆ ଥାନା ଧଉରାବଣି ଗ୍ରାମର ୨୧ ବର୍ଷିୟ ନବ ବାଳମୁଛ, ୨୭ ବର୍ଷିୟ ବୁଡୁ ବାଳମୁଛ, ୩୦ ବର୍ଷିୟ ରତନ ବାଳମୁଛ, ୨୮ ବର୍ଷିୟ କୁରୁପ ଗାଇପେଇ ଓ ୩୩ ବର୍ଷିୟ ସନାତନ ଦେହୁରୀ।
ପଚରା ଉଚୁରା କରିବା ପରେ ବନ ବିଭାଗ କର୍ମଚାରୀମାନେ ସେମାନଙ୍କ ଘରେ ଚଢ଼ାଉ କରି ୪ଟି ଦେଶୀ ବନ୍ଧୁକ, ୨ଟା ହରିଣ ଶିଙ୍ଗ, ଗୋଟିଏ ହେଡ୍ ଲ୍ୟାମ୍ପ୍, ୩ଟା ବଜ୍ରକାପ୍ତାର କାତି, ଓ ୩ଟା ମାଂସ କଟା ଛୁରି ଜବତ କରିଥିବା କଥା ଡିଏଫ୍ଓ ପ୍ରକାଶ ଚାନ୍ଦ ଗୋଗିନେନି ସୂଚନା ଦେଇଛନ୍ତି।