ଡକାୟତି ଉଦ୍ୟମ ପଣ୍ଡ, ୫ ଡକାୟତକୁ ଗିରଫ କଲା ବୁର୍ଲା ପୁଲିସ
ବୁର୍ଲା : ବୁର୍ଲା ପୁଲିସ ପୁଣି ଏକ ଡାକୟତି ଯୋଜନାକୁ ପଣ୍ଡ କରିବାରେ ସଫଳ ହୋଇଛି। ଏହି ଘଟଣାରେ ୫ ଅଭିଯୁକ୍ତଙ୍କୁ ପୁଲିସ ଗିରଫ କରିଥିବା ବୁର୍ଲା ଥାନା ଅଧିକାରୀ କମଳ କୁମାର ପଣ୍ଡା ସୂଚନା ଦେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ଗିରଫ ଅଭିଯୁକ୍ତମାନେ ହେଲେ ବୁର୍ଲା ୱାନ୍/ଆର୍ କଲୋନୀର ମଦନ ମୋହନ ଜେନା (୩୦), ସୁରଜ ବାରିକ (୨୩), ଅନିଲ ସୁନା (୨୬) ଏବଂ ଗୋଶାଳା ଅଂଚଳର ସୁନିଲ ଶର୍ମା (୨୪) ଓ ସୁଶାନ୍ତ ଦୀପ (୨୧)। ଗତକାଲି ବିଳମ୍ବିତ ରାତିରେ ଗିରଫ ୫ ଜଣ ଅଭିଯୁକ୍ତ ଗୋଲଗୁଣ୍ଡା ଛକ ନିକଟରେ ଏକ ଡକାୟତି ପାଇଁ ଯୋଜନା ପ୍ରସ୍ତୁତ କରୁଥିଲେ । ଏହି ସମୟରେ ବୁର୍ଲା ପୁଲିସ ସୂଚନା ପାଇ ଘଟଣାସ୍ଥଳରେ ପହଂଚି ସମସ୍ତ ଅଭିଯୁକ୍ତଙ୍କୁ ଗିରଫ କରିଥିବା ବେଳେ ସେମାନଙ୍କ ଠାରୁ ବିଭିନ୍ନ ପ୍ରକାର ମାରଣାସ୍ତ୍ର ଜବତ କରାଯାଇଥିବା ପୁଲିସ ସୂତ୍ରରୁ ପ୍ରକାଶ।