ସପ୍ତଶଯ୍ୟାରେ ୫ ନିଖୋଜ ଯୁବକ ଉଦ୍ଧାର

ସୂଚନା ମୁତାବକ, କଟକ ମଧୁପାଟଣା ଥାନା ଅନ୍ତର୍ଗତ ନୂଆପଡ଼ା ଅଞ୍ଚଳର ମାଟ୍ରିକ୍ ପାସ୍ କରିଥିବା ୫ ବନ୍ଧୁ ଅରକ୍ଷିତ ମହାପାତ୍ର, ଶୁଭମ ମହାପାତ୍ର, ହିମାଂଶୁ କୁମାର ଦାସ, ସୁଜିତ ସାହୁ, ଲକି ଦାସ ଢେଙ୍କାନାଳ ଜିଲ୍ଲା ସପ୍ତଶଯ୍ୟା ଯିବାକୁ ଯୋଜନା କରିଥିଲେ। ଯୋଜନା ମୁତାବକ ରବିବାର ସେମାନେ ଏକାଠି ବାହାରିଥିଲେ। ସେଠାରେ ସକାଳେ ପହଞ୍ଚିବା ପରେ ମନ୍ଦିରରେ ଦର୍ଶନ ସାରିବା ପରେ ସପ୍ତଶଯ୍ୟା ପାହାଡ଼କୁ ବୁଲି ଯାଇଥିଲେ। ସନ୍ଧ୍ୟା ହୋଇଯିବାରୁ ଘଞ୍ଚ ଜଙ୍ଗଲରେ ଫେରିବାକୁ ବାଟ ପାଇ ନଥିଲେ। ଫଳରେ ପରିବାର ଲୋକଙ୍କୁ ୫ ବନ୍ଧୁ ଏକ ଫଟୋ ଉଠାଇ ପଠାଇବା ସହିତ ଏ ସଂକ୍ରାନ୍ତରେ ଫୋନ୍ କରି ଜଣାଇଥିଲେ। ଫୋନ୍ କଲ୍ ପାଇବା ପରେ ପରିବାର ଲୋକେ ମଧୁପାଟଣା ଥାନାରେ ଅବଗତ କରିଥିଲେ। ମଧୁପାଟଣା ଥାନା ପୁଲିସ ଏ ସଂକ୍ରାନ୍ତରେ ତୁରନ୍ତ ପୁଲିସ ମୁଖ୍ୟାଳୟର କଣ୍ଟ୍ରୋଲ ରୁମକୁ ଅବଗତ କରିଥିଲା।