ଭୁବନେଶ୍ବର: ଆସନ୍ତା ୨୦୨୪ ନିର୍ବାଚନରେ ୫୧% ଭୋଟ୍‌ ପାଇବା ବିଜେପିର ଲକ୍ଷ୍ୟ। ୨୦୧୯ ନିର୍ବାଚନ ଅପେକ୍ଷା ୨୪ରେ ରେକର୍ଡ ବିଜୟ ପାଇଁ ରଣନୀତି ପ୍ରସ୍ତୁତ ହୋଇଛି। ଲୋକସଭା ଓ ବିଧାନସଭା ପାଇଁ ଭିନ୍ନ ଭିନ୍ନ ରଣନୀତି ପ୍ରସ୍ତୁତ କରାଯିବ ବୋଲି କହିଛନ୍ତି ରାଜ୍ୟ ବିଜେପି ସଭାପତି ମନମୋହନ ସାମଲ। ନିକଟରେ ଦିଲ୍ଲୀରେ ବିଜେପିର ରାଷ୍ଟ୍ରୀୟ ପଦାଧିକାରୀଙ୍କ ହୋଇଥିବା ବୈଠକ ସଂପର୍କରେ ସୂଚନା ଦେଇ ମନମୋହନ କହିଛନ୍ତି ଯେ ଏହି ବୈଠକରେ ଓଡ଼ିଶାକୁ ଅଧିକ ଗୁରୁତ୍ବ ଦିଆଯାଇଥିଲା। ବିଳମ୍ବିତ ରାତି ପର୍ଯ୍ୟନ୍ତ ପ୍ରଧାନମନ୍ତ୍ରୀ ଓ ଗୃହ ମନ୍ତ୍ରୀ ବୈଠକ ନେଇଥିଲେ। ନିର୍ବାଚନ ଦୃଷ୍ଟିକୋଣରୁ ସାଙ୍ଗଠନିକ ସ୍ଥିତି ସଂପର୍କରେ ଆଲୋଚନା ହୋଇଥିଲା। ଏହାର ଯେପରି କ୍ରିୟାନ୍ବୟନ ହେବ ‌ଏଥିପାଇଁ କଠିନ ପରିଶ୍ରମ କରାଯିବ। ଯେଉଁଠି ଯେତେ ଆବଶ୍ୟକ, ସେହି ଅନୁଯାୟୀ ଟାର୍ଟେଟ୍‌ ସେଟ୍‌ କରାଯିବ। କେନ୍ଦ୍ରୀୟ ନେତୃତ୍ବ ଖୁବଶୀଘ୍ର ଓଡ଼ିଶା ଆସିବେ ବୋଲି ସେ ସୂଚନା ଦେଇଛନ୍ତି।